Ministre, Rāznys zvejnīkskofeja, šmakovka – jaunais žurnals “A12”

Ministre, Rāznys zvejnīkskofeja, šmakovka – jaunais žurnals “A12”

Roksta autors: portals lakuga.lv

“Pavasars ir puorbaudis laiks gaideišonā,” puorlīcynuota žurnala “A12” redaktore Ināra Groce. Jaunajā žurnala numerī, kai vysod, dorbuotīs īdvasmojūšys tikšonuos, pīredzis i puorlīceibys stuosti, gudrys atzinis.

Izgleiteibys i zynuotnis ministre Ilga Šuplinska rūsynoj dūmuot kritiski, dareit pošim, na gaideit iz blata byušonom ar sovys pusis politikim. Režisors Normunds Pucis atkluoj filmu par nacionalūs partizanu kusteibu “Segvārds Vientulis” i “Sarkanais mežs” ideju i veiduošonys pīredzi.

Muokslinīka Osvalda Zvejsalnieka i muzikis Ilzis Grudulis nu puorlīceibu par golvonū radūša cylvāka ceļā – īdvasma i idejis rūnās strodojūt. Rāznys zvejnīks Venedikts Mihailovs pīdzeivuojs osus myuža pagrīzīņus, bet dzeivis gudrais veirs vysā pasaļuovs iz Dīvu i pasateic par sevkuru jam pīškiertū dīnu. Školuotuojs i dambretists Donāts Kondrovs sovim audzieknim vysod ceņtīs byut kai vacuokais bruoļs.

Aleksandrs Lubāns, “Kroma kolna bruolistis” vadeituojs, stuosta par arheologiskajim tārpim i sovys kulturtelpys atrasšonu. Uzjiemeigūs stuosti – kai Latgolā suoce dorbu kofeja grauzdātova i kai lūbās Malnovys šmakovkys ražūtnei, naizpalīk gasteišona restauratoris darbneicā i c.

Latgolys melomana Ivara Matisova pīzeimu trešajā cielīnī “Non Divisi”, “Fēnikss”, “Austrumeiropa” i daudzi cyti, kai dajiukts – izstuodis, jaunuos gruomotys i diski.

Print Friendly, PDF & Email

Nūtikšonu kalendars

Jan
26
Tre
vysu dīnu Nūvodpietnīceibys lasejumi prāve... @ Bolvu Nūvoda muzejs, tīšsaiste
Nūvodpietnīceibys lasejumi prāve... @ Bolvu Nūvoda muzejs, tīšsaiste
Jan 26 vysu dīnu
Nūvodpietnīceibys lasejumi prāvesta Alberta Budžis pīmiņai @ Bolvu Nūvoda muzejs, tīšsaiste
Gūdynojūt prāvesta Alberta Budžis (1930–1957–2017) atceri, Bolvu Centraluo biblioteka aicynoj pietnīkus pīsadaleit “Novadpētniecības lasījumos prāvesta Alberta Budžes piemiņai”. Tēmu lūks nav īrūbežuots, jis ītvar sevkuru pietnīku interesejūšu jūmu, kurys izpietis teritoreja ir Bolvu nūvods. Lasejumu[...]
Jan
31
Pyr
22:00 Referatu pīsaceišona Latgolys ko... @ Tīšsaistē
Referatu pīsaceišona Latgolys ko... @ Tīšsaistē
Jan 31 @ 22:00
Referatu pīsaceišona Latgolys kongresam @ Tīšsaistē
2022. gods 31. janvars ir pādejuo dīna, kod 27.-29. aprelī nūteikūšajam Latgolys kongresam var pīsaceit sovus referatus. Kongresa tema – “Latgaliskuma kods Eiropā: nu volūdys da ekonomikai”. Aicynuojums pīsadaleit kongresā (ar referatu voi stenda referatu) ITE.[...]