TV nūsaverama jauna filma par Latgolys kongresu

TV nūsaverama jauna filma par Latgolys kongresu

Roksta autors: portals lakuga.lv

27. aprelī 11.50 stuņdēs LTV1 i 22.00 stuņdēs ReTV kanalā nūsaverama Arņa Slobožaņina jaunuokuo filma “Latgolys kongress zam lupys”. Filma pīduovoj dokumentalu pasavierīni par viesturiskajom nūtikšonom 1917. godā.

Eisfilmu cykla “Pyrmī osni” pyrmuo filma “Gambits 1917” pyrmizruodi pīdzeivuoja 2016. godā, ūtruo filma “Lauleibys” – 1917. godā, Latgolys kongresa symtgadē. Par kū ir itys kinys stuosts, atkluoj filmys veiduotuojs Arnis Slobožaņins: “Juopīzeist, ka īprīškejuos kinys beja dereigys tim, kam jau beja kaidys zynuošonys voi lela interese par kongresu. Nūliemu Latgolys kongresa dīnys svineibom sataiseit taidu filmu, kas nazynuotuojam izstuostātu Latgolys kongresa nūzeimi gona “sagremuotā” veidā, izmontojūt sovus īprīškejūs dorbus, papyldynojūt asūšū materialu vēļ puora nu jauna izzynuotom niansem i specialistu komentarim.

Filmu veidoj četri komponenti: muns itūs godu pietejumūs baļsteits stuostejums, viesturiskī insceniejumi, ilustrativī materiali i viesturnīku komentari. Jūs vydā viesturis doktors, Latvejis Nacionaluo arhiva Latvejis vaļsts viesturis vadūšais pietnīks Jānis Šiliņš, Latvejis Nacionaluo viesturis muzeja jaunuokūs laiku viesturis nūdalis vadeituojs Toms Ķikuts, konstitucionalūs i juridiskūs tīseibu eksperts, Eiropys cylvāktīseibu tīsys tīsness Egils Levits i cyti.

Pi filmys struoduojom nu janvara da marta. Filmēja Ivars Utināns, muzykys pavadejumu nūdrūsynuoja “Teksasys latgalīši”. Filmys finansiejums nu Latgolys kongresa dīnys atzeimuošonys pasuokumu i Latvejis Televizejis leidzekļu, ari Agra Bitāna i Juoņa Plepa zīduojumu.”

Filmys reklamkadri.

Kalenders

Jul
12
Sai
all-day Rāznys Nacionaluo parka Ceļuotuo... @ Rāznys Nacionalais parks
Rāznys Nacionaluo parka Ceļuotuo... @ Rāznys Nacionalais parks
Jul 12 – Jul 13 all-day
Ar pasuokumu programu var īpasazeit ITE.
15:00 Muokslys pikniks @ Lūznovys muiža
Muokslys pikniks @ Lūznovys muiža
Jul 12 @ 15:00 – 22:00
Lūznovys muižys kompleksā i muižys parkā rodūšuma i garšu meistardarbneicys, izruodis, izstuodis, koncerti, pleners i cytys rodūšuos aktivitatis. Muzicēs: Baļtejis muosys (Latveja/Igauneja/Leitova), UZVARAS BULVĀRIS, NIKA GANGA (Leitova), DALUM (Koreja) i vītejuo grupa “Autobuss debesīs”.
18:00 Izruode “Mazpiļsāta” @ Saulkrostu breivdobys estrade
Izruode “Mazpiļsāta” @ Saulkrostu breivdobys estrade
Jul 12 @ 18:00 – 20:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]