Pīguļnīku naktī zyrgi, pontags, guņskurs, muzyka, stuoški

Pīguļnīku naktī zyrgi, pontags, guņskurs, muzyka, stuoški

Rokstu sagataveja: portals lakuga.lv

11. majā nu 20.00 stuņžu Leivuona nūvoda Jersikys pogosta lobsajiutys kompleksā “Avotiņš” aicynoj iz breivdobys pasuokumu vysai saimei “Pieguļnieku nakts”. Ituos nakts pīdzeivuojuma breineigums meklejams laikā, kod zyrgus vede ganeibuos naktīs i palyka jūs dasavērt. Partū lelī i mozī teik praseiti izvest pīguļā sovu dvēseli, baudeit dobys sūpluokumu i tymsys valdzynuojumu varbyut romantiskuokajā pavasara naktī – Pīguļnīku naktī, informej pasuokuma organizatori.

Pasuokumu atkluos ar Pierts školys apstuostim par latvīšu svietneicu – pierti. Byus zyrgu izjuodis, eipaša vīteņa mozūs atpyutai, laseitova-klauseitova ar latvīšu literatu dorbim par Pīgulis laiku. Aizrauteigus gobolus stuosteis Guntis Pakalns. Skaneiguos Turku folklorys kūpys sīvys gataveis pīguļnīku iedīni – pontagu (ūluokni), kū varēs ari nūbaudeit.

Muzikals i daņču pīdzeivuojums byus nu “Tautumeitu”, deju ansambļu “Pērle” i “Rits”. Pi guņskura muzicēs Arnis Slobožaņins, Māris Skutelis i “Rūžupis veiri”.

Varēs īkuortuot kemperu i teļšu vītys. Eipaši draudzeigs pīduovuojums saimem ar bārnim – saimis belets vacuokim i vysim bārnim.

Print Friendly, PDF & Email

Kalenders

Jun
20
Cat
15:00 Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Jun 20 @ 15:00 – 16:30
20. junī 15.00 stuņdēs Daugovpiļs Nūvodpietnīceibys i muokslys muzejā tiks atkluota etnografejis izstuode nu muzeja kruojuma “Atpakaļ mājās”. Izstuodē eksponāti autentiski prīškmati, kas tyka lītuoti 20. g. s. pyrmajā pusē – dorbareiki, sadzeivis prīškmati. Etnografejis[...]