Breivdobys muzejs aicynoj iz maja dzīduojumim

Breivdobys muzejs aicynoj iz maja dzīduojumim

Rokstu sagataveja: portals lakuga.lv

Latvejis Etnografiskais breivdobys muzejs ari itūgod aicynoj vysus interesentus iz maja dzīduojumim svātdiņ, 12. majā, nu 12.30 da 13.30, kū jau tradicionali īvadeis katuoļu svātuo mise, tai sekuos Marijis dzīsmis, informej Latvejis Etnografiskuo breivdobys muzeja sabīdryskūs attīceibu specialiste Harita Maniņa.

Eleonorvilys kapelā 12.30 svātū misi itūgod vadeis bazneickungs Arnis Maziļevskis. Piec misis vysi apmaklātuoji tiks aicynuoti pi Gutu sādžys krysta muzeja Latgolys cīmā pīsavīnuot latgalīšu sadzeivis dzīšmu ansambļam “Olūteņš”, kas dzīduos tai sauktuos Marijis dzīsmis. Maja dzīduojumi pi krysta ir jauna tradiceja Breivdobys muzejā, bet seneja – Latgolā i Augšzemē. Krysts Latgolys katuoliskajuos tradicejuos ir puordūmu i apsastuošonys vīta, kur dūmys paceļt iz Dabasim, nūjimt capuri, atdūt gūdu Dīvam. Maja dīvkolpuojumus ļauds sovulaik sauce par dzīduošonu pi krysta i nūturēja piec pošu īrūsmis.

Īeja pasuokumā nu muzeja Golvonuos īejis – Breivdobys īlys 21. Muzejs apmaklatuojim byus vaļā nu 10.00 da 20.00 (eksponatākys byus attaiseitys da 17.00). Īejis moksa školānim 1,40 eiro, pylna laika studentim 2,00 eiro, pensionarim 2,50 eiro, pīaugušajim 4,00 eiro. Saimis belets (1 ci 2 pīaugušī + 1 da 4 bārni da 18 godu vacuma) 8,50 eiro. Pyrmsškolys vacuma bārnim īeja muzejā ir bez moksys. Vacuokim ar pošim mozuokajim – daīmama puortynamuo ustoba.

Pi muzeja daīmama bezmoksys autostuovvīta. Sātys dzeivnīkus lyudzam itūreiz atstuot sātā.

Pasuokuma laikā tiks fotografāts i filmāts.

Print Friendly, PDF & Email

Nūtikšonu kalendars

Jan
26
Tre
vysu dīnu Nūvodpietnīceibys lasejumi prāve... @ Bolvu Nūvoda muzejs, tīšsaiste
Nūvodpietnīceibys lasejumi prāve... @ Bolvu Nūvoda muzejs, tīšsaiste
Jan 26 vysu dīnu
Nūvodpietnīceibys lasejumi prāvesta Alberta Budžis pīmiņai @ Bolvu Nūvoda muzejs, tīšsaiste
Gūdynojūt prāvesta Alberta Budžis (1930–1957–2017) atceri, Bolvu Centraluo biblioteka aicynoj pietnīkus pīsadaleit “Novadpētniecības lasījumos prāvesta Alberta Budžes piemiņai”. Tēmu lūks nav īrūbežuots, jis ītvar sevkuru pietnīku interesejūšu jūmu, kurys izpietis teritoreja ir Bolvu nūvods. Lasejumu[...]
Jan
31
Pyr
22:00 Referatu pīsaceišona Latgolys ko... @ Tīšsaistē
Referatu pīsaceišona Latgolys ko... @ Tīšsaistē
Jan 31 @ 22:00
Referatu pīsaceišona Latgolys kongresam @ Tīšsaistē
2022. gods 31. janvars ir pādejuo dīna, kod 27.-29. aprelī nūteikūšajam Latgolys kongresam var pīsaceit sovus referatus. Kongresa tema – “Latgaliskuma kods Eiropā: nu volūdys da ekonomikai”. Aicynuojums pīsadaleit kongresā (ar referatu voi stenda referatu) ITE.[...]