Rokstu sagataveja: portals lakuga.lv

20. majā Reigys dūmis Piļsātys atteisteibys komitejis sēdē deputati atbaļsteja div lāmumprojektus, kas paredz Reigā vīna īlys pūsma puorsaukšonu i jauna īlys nūsaukuma īdūšonu, informej Reigys dūmis Sabīdryskūs attīceibu nūdalis projektu koordinatore Aira Šmelde.

Lai gūdynuotu latgalīšu i latvīšu kulturys i goreigū darbinīku, vaļstsveiru i literatu Fraņci Trasunu par nūpalnim Latvejis vaļsts veiduošonā, tyka nūlamts puorsaukt Neicgaļa īlys pūsmu nu Vītalvys i Sasku īlys krystceļu da Pīdrujis īlys par Fraņča Trasuna īlu.

Sovutīs kab gūdynuotu Latvejis Centraluos padūmis prīšksiedi i veiskupu Jezupu Rancānu par nūpalnim Latvejis vaļsts veiduošonā, tyka nūlamts īlai Latgolys prīškpiļsātā pīškiert Jezupa Rancāna īlys nūsaukumu. Itei īla bez nūsaukuma nu Moskovys īlys aizīt gar Kengaroga prūdu.

Jaunī nūsaukumi stuosīs spākā piec lāmumu apstyprynuošonys Reigys dūmis sēdē.