Šmakovkys muzejam treju godu dzimšonys dīna

Šmakovkys muzejam treju godu dzimšonys dīna

Rokstu sagataveja: portals lakuga.lv

1. junī 14.00 stuņdēs Šmakovkys muzejs (Daugovpilī, Reigys īlā 22a, Vīneibys nomā) prosa vysus gostūs, kab kūpā atzeimuotu ekspozicejis treis darbeibys godus. Pasuokuma laikā da 18.00 apmaklātuojim byus vareiba pīsadaleit vysaiduos aktivitatēs, informej ekspozicejis “Šmakovkas muzejs” vadeituojs Viktors Andruškevičs.

Svātkus atkluos pasuokuma golvonī gosti “Kandžas laboratorija” nu Iergļu i juos vadeituojs Mārcis Feldbergs. Prezentacejis laikā vysim apmaklātuojim byus vareiba nūgaršuot sev nazynomys garšys i izveiduot viņ sev pīmāruotu stypruo alkoholiskuo dzierīņa kokteili. Kai atzeimej Mārcis, vajag vuiceit cylvākim baudeit i izgaršuot, maineit attīksmi pret alkoholu i juo lītuošonu, ādamkarūte – tei ir norma! I ari na sevkuru dīnu.

15.00 stuņdēs svātkus īskandynuos Daugovpiļs nacionalūs bīdreibu prīšknasumi, kuru laikā sevkurs atguojušais varēs izzynuot ari par cytu tautu tradicionalajim styprajim alkoholiskajim dzierīnim i jūs dareišonys tradicejom. Pasuokumā pīsadaleis Daugovpiļs pūļu, boltkrīvu i ukraiņu bīdreibu kolektivi.

Vysa pasokuma laikā muzeja apmaklātuojim byus vareiba dorbuotīs ari Vyšku amatnīku cīma keramika Valda Grebeža vadeitajā meistarklasē i nūnest sev leidza iz sātu kaidu personeigi taiseitu suveniru. Pasuokuma nūslāgumā, 17.00 stuņdēs, vysi interesenti tiks praseiti dūtīs ekskursejā i apsavērt ekspoziceju gida pavadeibā.

2. junī individualajim Šmakovkys muzeja apmaklātuojim beleta cena byus viņ 2,12 eiro, muzejs struoduos nu 11.00 da 19.00 stuņžu.

Daugovpiļs Šmakovkys muzejs ir Latvejā leluokais muzejs, kas veļteits itam Latgolys kulinaruo montuojuma dzierīņam. Digitalajuos ekspozicejuos ar jaunuokūs tehnologeju paleidzeibu ir vareiba interaktivi īpazeit šmakovkys radeišonys procesu, kai ari apsavērt autentiskys i īspaideigys ražuošonys īkuortys. Suonim stuostam par dzierīņa tapšonu, te ir izsmeļūša informaceja par Latgolys kulturu i viesturi. Muzejā i individualajim apmaklātuojim, i grupom teik pīduovuoti gida pakolpuojumi. Bez moksys ir audiogidi sešuos volūduos – latvyski, latgaliski, krīvyski, angliski, vuocyski i lītuviski.

Print Friendly, PDF & Email

Kalenders

Feb
29
Cat
all-day Evijis Styrnys gleznu izstuode “... @ Rēzeknis Centraluo biblioteka
Evijis Styrnys gleznu izstuode “... @ Rēzeknis Centraluo biblioteka
Feb 29 all-day
Mādz saceit, ka dzeive ir sapyns. Izstuodē ir vārojamys gleznys akvareļu tehnikā, kuru var skaiteit par eipaši pīmāruotu sapynu atspaitu radeišonai. Akvareļu kruosys ar sovu plyustūšū caurspeideigumu ļaun mums īsajust sapynu pasaulī, kur vysu dzeivūs[...]