Izzini latgalīšu dzīšmu remiksu konkursa īveiciejus i nūsaklausi remiksus

Izzini latgalīšu dzīšmu remiksu konkursa īveiciejus i nūsaklausi remiksus

Rokstu sagataveja: portals lakuga.lv

Apreļa suokumā bīdreiba “Latgolys Producentu Grupa” izsludynuoja remiksu konkursu latgalīšu dzīsmem. Niu zynomi konkursa rezultati i par lobuokū konkursā atzeits Andrian van Sin remikss Rēzeknis nūvoda vokaluos studejis “Skonai” dzīsmei “Rūžu duorzi”, informej bīdreiba “Latgolys Producentu Grupa”.

Latgalīšu dzīšmu remiksu konkursā pīsasaleit vareja sevkurs muzykys DJ/producents bez kaidu īrūbežuojumu. Konkursa miekis beja popularizēt i aktualizēt dzīsmis ar latgaliskim tekstim. Konkursa tyka īsnāgti deveni dorbi, kurūs vērtēja deveni ar muzykys produciešonu ci atskaņuošonu saisteiti ļauds, jūs vydā Latvejis Radejis 5 DJ Magnuss Eriņš, elektroniskuos deju muzykys spielietuoja DJ Deila, legendarais latgalīšu underground muzykys puorstuovs DJ Guntix i cyti.

Gola viertiejumi saguoja gona tyvai i leidzeigi, i vītu sadaliejumā vaira pasaveice itim DJ:

1. vīta – Adrian van Sin (remikss dzīsmei “Rūžu duorzi”);

2. vīta – DJ Valns (remikss dzīsmei “Gareiguo komercdarbeiba”)

3. vīta – Noitro (remikss dzīsmei “Besi”)

Pi specbolvu teik ari LNDKID i Arthur Slishan ar sovim remiksim, kas beja pavysam tyvai gūdolguotajom vītom. Konkursa laureati sajims naudys bolvys nu 1000 eiro leluo bolvu fonda.

Bīdreibys “Latgolys Producentu Grupa” puorstuovi soka lelu paļdis vysu dorbu īsnīdziejim i aicynoj ari iz prīšku taiseit remiksus latgalīšu dzīsmem!

Vysus konkursam īsnāgtūs remiksu dorbus var nūsaklauseit ite.

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]
Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]