Daugovpiļs Marka Rotko muokslys centrs sajiems LMB Gods bolvu

Daugovpiļs Marka Rotko muokslys centrs sajiems LMB Gods bolvu

Rokstu sagataveja: portals lakuga.lv

Itūgod, vīneigais nu vysu Latgolys nominantu, Latvejis Muzeju bīdreibys Gods bolvu nominacejā “Gada mākslas izstāde 2019” sajēme Daugovpiļs Marka Rotko muokslys centrs par projektu ““Martinsona balvas” II Latvijas starptautiskās keramikas biennāles konkursa izstāde”.

24. majā Daugovys muzejā jau dasmytū godu tyka padūta Latvejis Muzeju bīdreibys (LMB) Gods bolva. Itūgod bolvai beja atsyuteits leluokais dasacejumu skaits bolvys viesturē –72 muzeju projekti, viestej LMB sātys i facebook lopu informaceja. Atguodynuosim puorejūs Latgolys nominantus: “Gada publikācija” – Ludzys Nūvodpietnīceibys muzejs ar gruomotu “Ludzas Novadpētniecības muzejam 100”; “Gada ekspozīcija” (muzejim da 10 darbinīku) – Kruoslovys Viesturis i muokslys muzejs ar ekspoziceju “Pi vīna golda”, Preiļu Viesturis i lītyškuos muokslys muzejs ar ekspoziceju “Muzeja stāsti Latvijai”, Varakļuonu Nūvoda muzejs ar ekspoziceju “Senās godības atspulgs laikmetu griežos”; “Gada mārketinga aktivitāte” – Daugovpiļs Nūvodpietnīceibys i muokslys muzejs ar projektu “1. Starptautiskais leļļu festivāls Daugavpilī”; “Gada pieejamības projekts” – Latgolys Kulturviesturis muzejs ar storptautysku izstuodi, konfereņci i izstuodis katalogu “Atgriešanās. Janopoles Romeru mantojums”.

Bolvys laureata Daugovpiļs Marka Rotko muokslys centra vuordā marketinga specialiste Inita Paegle: “Asam patīsi prīceigi sajimt LMB Goda bolvu nominacejā “Gada mākslas izstāde”. Tys ir īguļdeituo dorba nūviertiejums, kas līk naapsastuot i gataveitīs nuokušajai storptautyskajai keramikys biennalei i “Martinsona balvai”, kas godu nu gods pīsaista vys leluoku skaitu Latvejis i uorvaļstu muokslinīku i turistu interesi par myusu muokslys centra, Latgolys i Latvejis laikmeteiguos muokslys aktivitatem.”

Paguojušajā godā niule gūdolguotuo “Martinsona balvas” izstuode Rotko centrā beja centraluo nūtikšona ūtrū reizi Baļtejā reikuotajā II Latvejis Storptautyskajā keramikys biennalē ar pasuokumim  Reigā, Siguldā, Uogrē, Rēzeknē, Lūznovā i Leitovys piļsātā Panevēžā. Izstuodei “Martinsona balva” storptautyska žureja nu 395 dasacejumu atlaseja 100 muokslinīku dorbus, kas puorstuovēja 29 vaļstis.

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]
10:00 Bruņojīs ar zynuošonom. Informat... @ Rēzekne, Kulturys i atpyutys parks
Bruņojīs ar zynuošonom. Informat... @ Rēzekne, Kulturys i atpyutys parks
Jun 15 @ 10:00 – 15:00
Bruņojīs ar zynuošonom. Informativuo dīna @ Rēzekne, Kulturys i atpyutys parks
Informativuo dīna dzeivuotuojim “Bruņojies ar zināšanām”.