Rēzeknē storptautyskuo zynuotniskuo konference “Inflantīši”

Rēzeknē storptautyskuo zynuotniskuo konference “Inflantīši”

Rokstu sagataveja: portals lakuga.lv

13. i 14. junī Rēzeknis Tehnologeju akademejā (RTA) nūtiks storptautyskuo zynuotniskuo konference “Inflantīši: latvīšu i pūļu literaturys, volūdys i kulturys sakari 19. i 20. godu symtā”. Konferenci sadarbeibā ar RTA organizej Pūlejis Zynuotņu akademejis Slavistikys instituts, Belostokys Universitatis filologiskūs pietejumu katedra “Austrumi–Rītumi” i Lukaša Gurnicka vuordā nūsauktuo Podlasejis biblioteka Pūlejā.

Konferencē vysaidu vaļstu zynuotnīki diskutēs par taidom temom: latvīšu i pūļu literaturys, volūdys i kulturys sovstarpejuo ītekme; pūļu izceļsmis rakstnīki (rakstneicys) Latvejā; pūļa atainuojums latvīšu literaturā/ latvīša atainuojums pūļu literaturā; pūļu i latvīšu volūdys konteksti; Latvejis i latvīšu atainuojums pūļu kulturā; Stefanejis Uļanovskys dzeive i dailrade; Pūlejis žurnali myusdīnu Latvejis i Leitovys teritorejā; Leitovys i Igaunejis inflantīšu kulturys konteksti; Latvejis tāla transformacejis 19. i 20. godu symta pietejumūs Pūlejā.

13. junī 9.10 stuņdēs paradzāta konferencis atkluošona 124. auditorejā. Nu pyrmuos dīnys referatu kai interesantuokī Latgolys kontekstā byutu atzeimojami itaidi referati: Dorotys Rembiševskys par lobys izavesšonys pazeimem S. Uļanovskys stuostūs; Vladislava Malahovska par pūļa tālu latgalīšu laikrokstūs (1920–1934); Antrys Kļavinskys par nazynuotniskim prīškstotim par pūļu volūdu Latgolā. Mārīte Šakina referēs par muižnīku Uļanovsku pādim Zīmeļlatgolā, Henriks Petkevičs – par latvīša i pūļa attāluojumu boltkrīvu folklorā.

Ūtruos dīnys referatūs pīsaista jau pazeistamys temys – Jaroslavs Lavskis referēs par 19. g. s. inflantim i Andžejs Ratajs par S. Uļanovsku. Sovutīs Anna Vydrycka atkluos Latgolā nazynomū rakstneicu nu Pušys Stanislavu Šadursku.

Konferencis programa

Kalenders

May
12
Pyr
all-day Izstuode “Latgolas rokstu gaismā” @ Rēzeknis Centraluo biblioteka
Izstuode “Latgolas rokstu gaismā” @ Rēzeknis Centraluo biblioteka
May 12 all-day
Leidz 12. majam Rēzeknis Centraluos bibliotekys abonementā cyklā “Latviešu grāmatai 500” apsaverama tematiska izstuode “Latgolas rokstu gaismā”, kas veļteita Latgolys Kulturys centra izdevnīceibai.   Itūgod izdevnīceiba svietej pusopolu jubileju – 1. junī tai paliks 35[...]
16:00 Viktorijis Grappys izstuodis atk... @ Greiškānu pogosta kulturys noms
Viktorijis Grappys izstuodis atk... @ Greiškānu pogosta kulturys noms
May 12 @ 16:00 – 17:00
12. majā 16.00 stuņdēs Greiškānu pogosta kulturys nomā nūtiks Viktorijis Grappys akvareļu gleznu izstuodis “Sakrālais mantojums Rēzeknes novadā” atkluošona, kurā pīsadaleis muokslineica ar stuostejumu par izstuodis tapšonu. Apmaklātuojim byus vareiba baudeit MIKC Latgolys Muzykys i[...]
May
16
Pīk
16:00 13. Storptautyskuo keramikys muo... @ Rotko muzejs
13. Storptautyskuo keramikys muo... @ Rotko muzejs
May 16 @ 16:00 – 17:30
13. Storptautyskajā keramikys muokslys simpozejā pīsadola pīcpadsmit muokslinīku nu septeņu vaļstu: Viktorija Maroti (Viktória Maróti, Ungareja), Brita Dīrnesa (Brit Dyrnes) i Eivinns Solli (Eyvind Solli, Norvegeja), Teodora Cirakoglu (Theodora Tsirakoglou, Grīkeja), Narankhū Sukhburens (Narankhuu Sukhburen,[...]