Rokstu sagataveja: portals lakuga.lv

Gūdynojūt izcyluos muokslineicys i ilggadejuos muokslys pedagogis Silvys Linartis pīmiņu, Daugovpiļs Marka Rotko muokslys centrā tiks suokta jauna simpozeja tradiceja – nu 25. juņa da 5. juļa nūtiks pyrmais storptautyskais gleznīceibys simpozejs “Silva Linarte”, informej marketinga specialiste Inita Paegle.

Muokslineicai i muokslys pedagogei Silvai Linartei (1939–2018) beja i vys vēļ ir eipaša saikne ar Daugovpiļs Marka Rotko muokslys centru. Na viņ partū, ka jei ir dzymuseDaugovpiļs nūvodā i montuojuse dzymtys pīdereibu Latgolys regionam, bet ari partū, ka jau nu muokslys centra atkluošonys ir bejuse kluotasūša juo aktivitatēs i nūtikšonuos. 

Apsazynojūt Silvys Linartis muokslys muontuojuma unikalitati iveicynojūt interesi par Daugovpili kai muokslinīciski rūsynūšu piļsātu, 2019. godā Daugovpiļs Marka Rotko muokslys centrs organizej pyrmū storptautyskū gleznīceibys simpozeju “Silva Linarte”, kurymā pīsadaleis 7 muokslinīki: Svens Drobnica (Zvīdreja), Rodrigess Gomess Gonsalo (Spāneja), Anna Abidina (Krīveja), Oksana Vronska, Guna Millersone (Latveja), Agata Čermuškina-Čruta (Pūleja), Giedre Riškute (Leitova).

Simpozeja atkluošonā 26. junī 15.00 stuņdēs Rotko centrā nūtiks muokslinīku prezentacejis, kuramuos jī prezentēs sevi, sovys gleznuošonys tehnikys i idejis, kurys paradzāts eistynuot simpozeja laikā.

Simpozeja daleibnīku dorbu izstuode vosorys pylnbrīda izstuožu sezonys ītvorūs Daugovpiļs Marka Rotko muokslys centrā tiks atkluota 5. julī 16.00 stuņdēs.

Pasuokumu atbolsta: Daugovpiļs pilsātys dūme, Vaļsts kulturkapitala fonds, “Caparol”.