Roksta autors: portals lakuga.lv

Latgolys Kulturys centra izdevnīceibā izguojs 24. literaturys almanahs “Olūts”. Skaiteituojim teik pīduovuoti 115 dzejūli, 64 fabulys, 25 tāluojumi, 2 stuosti, 4 lugys, 9 literaturai veļteiti roksti.

Ituogods almanaha autori ir Ilze Keiša, Romons Spaitāns, Imants Zeltiņš, Iveta Dimzule, Rūdolfs Linužs, Jūlijs Trōps, Voldemārs Voguls, Leonards Rakickis, Lidija Agloniete, Rasma Zariņa, Marta Binduka, Sergejs Žukovs, Dainis Deigelis, Andris Pelšs, Ernests Vilcāns, Magdalena Vjatere, Pīters Meikstums, Aija Eriņa, Evelīna Visocka, Maruta Avramčenko, Aija Mikele, Mikelis Bukšs, Norberts Neikšānīts, Dzērksteņa, Jōņs Broks, Stepons Seiļs, Viktors Skuja, Anda Sandāne, Leonards Rakickis.

Gruomotys izdūšonu atbaļstejs Vaļsts kulturkapitala fonds, Rēzeknis piļsātys dūme, Jānis Blaževičs i Raimonds Krasinskis.

“Olūts” ir regulars latgalīšu izdavums, kura žanriskais saturs aptver prozu, dzeju, literaturkritiku, publicistiku i biografeju. Literaturys almanaha izdūšona suocēs vuocu okupacejis laikā – 1943. i 1944. godā V. Luoča izdevnīceibā izguoja pyrmī seši “Olūta” numeri. Septeitais numers izguoja jau trymdā – Rītumvuocejā – 1947. godā. Piec Latvejis naatkareibys atgiušonys, suocūt ar 1992. godu, “Olūtu” izdūd Latgolys Kulturys centra izdevnīceiba.

Drukavuot