Daugovpilī jauni Rotko originali

Daugovpilī jauni Rotko originali

Rokstu sagataveja: portals lakuga.lv

12. julī Daugovpiļs Marka Rotko muokslys centrā ar publisku sarunu i koncertu, kluotasūt Marka Rotko meitai Keitai Rotko Prizelai, tiks atkluota jauna ekspoziceja ar muokslinīka originaldorbim, informej Daugovpiļs Marka Rotko muokslys centra marketinga specialiste Inita Paegle.

Jau paguojuši treis godi, kai Daugovpiļs Marka Rotko muokslys centrā puorsamejuse muokslinīka M. Rotko originaldorbu ekspoziceja. Jaunajā M. Rotko dorbu ekspozicejā byus apsaverami da ituo Latvejā naradzāti izcyluo muokslinīka dorbi nu juo maņtinīku, meitys Keitys Rotko Prizelys i dāla Kristofera Rotko, kolekceju. Originalu ekspozicejā jau tradicionali varēs vērtīs dorbus, kas atkluoj vysaidus muokslinīka radūšuos atteisteibys periodus.

Dīnys programys īskaņā 13.00 stuņdēs skanēs pyrmreizeja elektroniskuo i dobys skaņu pasauļa sinteze kūpā ar muzykim Daci Straumi i Kasparu Tobi skaņu performancē “Meklētājs”. Jaunizveiduotais duets, mūzike Dace Straume i grupys “Dzelzs vilks” tausteņinstrumentalists, sintezatoru pavieļnīks, multiinstrumentalists Kaspars Tobis, pīduovuos pyrmreizeju uzvadumu, atkluojūt pošdarynuotus skaņu motivus. Prīšknasuma skaņu sintezē apsavīnuos Kaspara spēle iz četrim sintezatorim kūpā ar sešim skaņu gongim, kūkli ar nazcik natradicionalim instrumentim i bolsa dzīduojumim Dacis izpiļdejumā.

Piec koncerta 14.30 stuņdēs sekuos publiska saruna angļu volūdā storp brazilīšu muokslinīku Marko Garodu Džanoti (Marco Garaude Giannotti) i akademiki Deividu Anfamu (David Anfam) “Kurs beistās nu sorkonuo, dzaltonuo i zyluo?” muokslinīka Marka Rotko i juo dailradis kontekstā. Sūpluok Rotko originalim tiks atkluota muokslinīka M. G. Džanoti personalizstuode.

M. Rotko originaldorbu jaunuos ekspozicejis svineiguo atkluošona paradzāta 16.00 stuņdēs. Ar sovu kluotīni jū pagūdynuos ari muokslinīka meita Keita Rotko Prizela.

12. julī īeja Daugovpiļs Marka Rotko muokslys centrā vysys dīnys garumā bez moksys.

Muokslys centrā vosorys pylnbrīda izstuožu sezonys izstuodis apmaklātuojim daīmamys da 8. septembra: Maibritys Ulvedalys Bjelkis (Maibritt Ulvedal Bjelke) izstuode “Daudzkrāsainība”, Latvejis symtgadis ītvarūs organizātuo Baļtejis keramikys konkursa izstuode “Pamati” ar 70 muokslinīku dorbim, suomu keramikys muokslineicys, konkursa izstuodis “Atmiņu lāde” laureatis Kirsi Kivivirtas izstuode “Pamatelementi”, Turcejis muokslinīku grupys izstuode “Kilīkijas brīze”, izstuodis projekts “Paralēles / starp atmiņu un iztēli” ar storptautysku muokslinīku grupu (Džonijs Brigss (Jonny Briggs, Lelbritaneja), Sigita Daugule, Vineta Kaulača (Latveja), Kaisu Koivisto (Suomeja), Keitija Prata (Katie Pratt, Lielbritaneja), Karlis Rekevics (ASV)), storptautyskuo gleznīceibys simpozeja “Silva Linarte” daleibnīku kūpeiga izstuode, amerikaņu muokslineicys Marietys Patricejis Līsys (Marietta Patricia Leis) izstuode “Gaiss”.

Print Friendly, PDF & Email

Nūtikšonu kalendars

Jan
26
Tre
vysu dīnu Nūvodpietnīceibys lasejumi prāve... @ Bolvu Nūvoda muzejs, tīšsaiste
Nūvodpietnīceibys lasejumi prāve... @ Bolvu Nūvoda muzejs, tīšsaiste
Jan 26 vysu dīnu
Nūvodpietnīceibys lasejumi prāvesta Alberta Budžis pīmiņai @ Bolvu Nūvoda muzejs, tīšsaiste
Gūdynojūt prāvesta Alberta Budžis (1930–1957–2017) atceri, Bolvu Centraluo biblioteka aicynoj pietnīkus pīsadaleit “Novadpētniecības lasījumos prāvesta Alberta Budžes piemiņai”. Tēmu lūks nav īrūbežuots, jis ītvar sevkuru pietnīku interesejūšu jūmu, kurys izpietis teritoreja ir Bolvu nūvods. Lasejumu[...]
Jan
28
Pīk
19:00 Gruomotys “Mīlas kastings” muzyk... @ Babeitis Kulturizgleiteibys centrs
Gruomotys “Mīlas kastings” muzyk... @ Babeitis Kulturizgleiteibys centrs
Jan 28 @ 19:00 – 21:00
Gruomotys "Mīlas kastings" muzykaluo prezentaceja @ Babeitis Kulturizgleiteibys centrs
28. janvarī 19.00 Babeitis Kulturizgleiteibys centra lelajā zalē, Piņkūs, nūtiks rakstneicys Ilzis Aizsilys gruomotys “Mīlas kastings” muzykaluo prezentaceja.   Par latgalisku nūskaņu pasaryupēs: rakstneica Ilze Aizsila i improvizators Viesturs Vizulis; muzykys grupa “Dabasu Durovys”; videjuos[...]