Latgolys jaunīšus Reigā aicynoj iz sasatikšonu

Latgolys jaunīšus Reigā aicynoj iz sasatikšonu

Roksta autors: portals lakuga.lv

Reigā dzeivojūšūs latgalīšu jaunīšu aicynoj iz kūpeigu laika pavadeišonu 29. septembrī 15.00 stuņdēs Reigys Latgalīšu bīdreibys telpuos Sluokys īlā 37. Programā paradzātys latgalīšu dzīsmis, tautyska sadoncuošona i pruota spēlis.

Vīns nu pasuokuma organizatoru Lauris Magazeinis stuosta: “Ideja par saīta organiziešonu roduos nu tuo, ka Reigā pasuokumi deļ jaunu latgalīšu cylvāku, kurūs byutu kūpeiga padzīduošona i padoncuošona, nanūteik tik bīžai. Lykuos, ka kaidam taids pasuokums ir juosataisa, lai veicynuotu sadraudzeibu i latgaliskū pošapziņu Reigys latgalīšu jaunuotnis vydā.”

Lauris cer, ka atguojušī atkluos latgaliskū i tautyskū gaisūtni kai koč kū saistūšu, sasadraudzēs i labi pavadeis svātdīnis piecpušdīni. Ka atguojušajim pasuokums patiks, tod varātu taidus taiseit iz prīkšu, soka organizatori.

Leidza aicynoj jimt gastiņci. Pasuokuma aktualitatem var leidza sekuot vītnē Facebook.com.

Roksts sagataveits projekta “Latgales kultūrtelpa: problēmas, analīze un atspoguļojums portālā lakuga.lv” ītvorūs. Projektu finansej Medeju atbolsta fonds nu Latvejis vaļsts budžeta leidzekļu.

Print Friendly, PDF & Email

Kalenders

Apr
13
Sai
all-day Osvalda Zvejsalnieka pīminis izs... @ Latgolys Kulturviesturis muzejs
Osvalda Zvejsalnieka pīminis izs... @ Latgolys Kulturviesturis muzejs
Apr 13 all-day
Izstuodē tiks eksponātys muokslinīka gleznys nu Latgolys Kulturviesturis muzeja Muokslys kolekcejis, kas puorsvorā atspīgeļoj juo agreimū rodūšū darbeibu 20. g. s. 70. godūs, kai ari 80. godu rodūšajā pylnbrīdā radeituos lelformata figuraluos kompozicejis i portretus.
18:00 Bronislavai Martuževai veļteits ... @ Latgolys viestnīceiba "Gors"
Bronislavai Martuževai veļteits ... @ Latgolys viestnīceiba "Gors"
Apr 13 @ 18:00 – 19:30
“Topi stipra, sirds” – koncertizvadums, kas veļteits izcyluos latvīšu dzejneicys i dzīsmineicys Bronislavys Martuževys 100. jubilejai. Koncertizvaduma muokslinīcyskū koncepceju veidoj dirigente Aira Birziņa i aktrise Baiba Broka. Dzejneicys Bronislavys Martuževys (1924–2012) symtgade tiks svieteita 2024.[...]