Rokstu sagataveja: portals lakuga.lv

22. septembrī Rēzeknis Tehnologeju akademejā nūtyka Nikodema Rancāna bolvys Latgolys izcyluokajim pedagogim nūslāguma pasuokums, apbolvojūt lobuokūs Latgolys školuotuojus.

Pasuokumu atraktivi vadeja Ēriks Zeps, vysim kluotasūšajim skanēja Kārļa Kazāka muzyka poša autora izpiļdejumā, papyldynuota ar vierteigom atziņom par pedagoga dorbu i izgleiteibys procesu kūpumā. Pasuokumā tyka padūtys sešys golvonuos bolvys – sudobrā koltys saktys, kuru autors i izgatavuotuojs ir rūtkaļs Rihards Ciblis. Papyldus itom bolvom Izgleiteibys i zynuotnis ministre Ilga Šuplinska padeve eipašuos ministrejis pateiceibys vēļ pīcim školuotuojim, kurim pavysam drusku datryuka leidz bolvai, tok jūs sasnāgumi ir nūteikti vārā jamami i prīškzeime cytim.

Školuotuojim atzineigus vuordus saceja ari Latgolys plānuošonys regiona Atteisteibys padūmis vadeituojs Gunārs Upenieks, Rēzeknis Tehnologeju akademejis rektore Iveta Mietule, kai ari dzejneica Anna Rancāne.
Informacejai: Nikodema Rancāna vuordā nūsauktais konkurss i bolvys padūšonys pasuokums teik reikuots jau pīktū godu. Itamā reizē kūpā tyka sajimti 32 pīteikumi. Konkursu reikoj Latgalīšu Kulturys bīdreiba sadarbeibā ar Latgolys Plānuošonys regiona Atteisteibys padūmi i Rēzeknis Tehnologiju akademeju.

Nikodema Rancāna bolvys sajiemieji:

Specbolva par inovacejom pyrmsškolys izgleiteibys īstuodē: Zinaīdai Bernātei, Kruoslovys nūvoda pyrmsškolas izgleiteibas īstuode „Pīlādzītis”.

Divys bolvys par myusdīneigu i rodūšu pīeju školānu dorba tykuma audzynuošonai i omotu apvuiceibai: Gunai Kisei, Kuorsovys Muzykys i muokslys škola, vargaņspēlis i klavīrspēlis pedagoge, koncertmeistere, Maijai Gailumai, J. Soikāna Ludzys muokslys školys Nautrānu filiale.

Divejys bolvys par inovacejom izgleiteibys procesā: Inārai Ostrovskai, Daugovpiļs Byuvnīceibys tehnikums, Marutai Krustānei, Austrumlatvejis Tehnologeju vydsškola (Rēzekne).

Vīna bolva par īguļdejumu i sasnāgumim latgalīšu volūdys, kulturviesturis i nūvoda vuiceibys īvīsšonā un īdzeivynuošonā školys vuiceibu vidē: Lūcijai Vaivodei, Daugovpiļs Vīneibys pamatškola.

Izgleiteibys i zynuotnis ministrejis eipašuos Pateiceibys sajēme:

Anita Matule-Bordāne, Bolvu profesionaluo i vyspuorizgleitojūšuo vydsškola,
Aiga Hudobčenoka, Daugovpiļs Vaļsts ģimnazeja,
Iveta Meškovska, Daugovpiļs 12. vydsškola,
Staņislava Inkina, Rēzeknis nūvoda Kaunatys vydsškola,
Rita Upeniece, Rībeņu nūvoda Gaļānu pamatškola.

Konkursa reikuotuoju Atzineibys:

Par veiksmeiguokū jaunuo pedagoga debeju i par rodūšu pīeju školānu dorba tykuma audzynuošonai i omotu apvuiceibai: Mārtiņam Dzindzukam, Viļānu Muzykys i muokslys škola.

Par veiksmeigu jaunuo pedagoga debeju pyrmsškolys īstuodē Atzineiba Kristīnei Razānei, Dagdys piļsātys pyrmsškolys izgleiteibys īstuode ,,Saulīte”, i div atzineibys par latgaliskuos vidis radeišonu i latgaliskūs vierteibu saglobuošonu i styprynuošonu pyrmsškolys izgleiteibys īstuodē: Irinai Vasiļevskai, Ondrupinis pyrmsškolys izgleiteibas īstuode “Avotiņš”, Ilonai Znutiņai, Daugovpiļs piļsātys 24. pyrmsškolas izgleiteibys īstuode.

Atzineibys par myusdīneigu i rodūšu pīeju školānu dorba tykuma audzynuošonai i omotu apvuiceibai:

Aigaram Vigulim, Dagdys vydsškola,
Līgai Slicai, Leivuona nūvoda Jaunsylovys pamatškola,
Ingrīdai Kroičei, Aglyunys nūvoda Prīžmolys pamatškola,
Arnoldam Grīnbertam, Daugovpiļs 13.vydsškola.
Atzineibys par inovacejom izgleiteibys procesā:
Aigaram Bukšam, Baļtinovys Muzykys i muokslys škola (kai ari žurnala “A12” specbolva – goda abonements),
Benitai Lazdiņai, Rēzeknis suokumškola,
Inesei Kuzņecovai, Dagdys nūvoda Aleksandrovys pamatškola ,
Inesei Magdaļenokai, Leivuona 1. vydsškola,
Ivetai Kārklei, Leivuona nūvoda Rudzātu vydsškola,
Anitai Klismetei, Rēzeknis nūvoda Kaunatys vydsškola,
Marutai Ladusānei, Viļānu vydsškola,
Rutai Krišānei, Rēzeknis nūvoda Nautrānu vydsškola.

Atzineibys par īguļdejumu i sasnāgumim latgalīšu volūdys, kulturviesturis i nūvoda vuiceibys īvīsšonā i īdzeivynuošonā školys vuiceibu vidē:

Velgai Smoļakai, Ruguoju nūvoda vydsškola,
Irēnai Maļkevičai, Dagdys vydsškola,
Ivetai Vasitovai, J. Raiņa Daugovpiļs 6. vydsškola,
Ingūnai Ludboržai, Riezeknis nūvoda Nautrānu vydsškola,
Ritai Pudānei i Ārijai Bergmanei-Sprūdžai, Rībeņu vydsškola.

Roksts sagataveits projekta “Latgales kultūrtelpa: problēmas, analīze un atspoguļojums portālā lakuga.lv” ītvorūs. Projektu finansej Medeju atbolsta fonds nu Latvejis vaļsts budžeta leidzekļu.