Izdūta aizdavumu i maļavojamuo gruomota deļ bārnu
![Izdūta aizdavumu i maļavojamuo gruomota deļ bārnu](https://www.lakuga.lv/wp-content/uploads/2019/10/tuorps-vuoks-FI-1000x667-c-default.jpg)
Roksta autors: portals lakuga.lv
Pādejā laikā pasaruoda vys vaira latgalisku izdavumu deļ bārnu, nupat dīnys gaismu īraudzejs jauns izdavums – kruosojamuo i aizdavumu gruomota “Bruoli i lelais tuorps”. Gruomotys sižeta pamatā ir latgalīšu puorsoka.
Jaunū gruomotu “Bruoli i lelais tuorps” deļ bārnu izdavuse bīdreiba “Latgalīšu volūdys centris” ar bīdreibys “LR” atspaidu i sadarbeibā ar izdevnīceibu “Byumani”. Gruomotys pamatā ir latgalīšu tautys puorsoka ar interesantu i da šam nadzierdātu sižetu, tū papyldynoj dažaidi aizdavumi i kruosojami zeimiejumi, atkluoj gruomotys redaktors i muzykants Aņss Ataols Bērzeņš. Lelais tuorps nūzeimojūt pyučs, kū krīvyski saucūt par “большой змей”, pībylst Aņss.
![](https://www.lakuga.lv/wp-content/uploads/2019/10/tuorps_18pl-495x700.png)
![](https://www.lakuga.lv/wp-content/uploads/2019/10/tuorps_25pl-495x700.png)
Gruomotys ilustracejis veiduojuse Marita Maizeite. Itei ir izdevnīceibys “Byumani” ūtruo kruosojamuo gruomota deļ bārnu, 2015. godā izguoja “Duraceņš īsmīdynoj kieneņa meitu”.
Roksts sagataveits projekta “Latgales kultūrtelpa: problēmas, analīze un atspoguļojums portālā lakuga.lv” ītvorūs. Projektu finansej Medeju atbolsta fonds nu Latvejis vaļsts budžeta leidzekļu.
![](https://www.lakuga.lv/wp-content/uploads/2019/09/mediju-fonds-logo-mozais2.jpg)