Latgolys piļsātu stuosti: Kruoslova i Dagda

Latgolys piļsātu stuosti: Kruoslova i Dagda

Rokstu sagataveja: portas lakuga.lv

Cykla “Latgales pilsētu stāsti: Nezināmais par zināmo” nūslādzūšais raidejums ir veļteits divejom dīnvydaustrumu Latvejis piļsātom – Kruoslovai i Dagdai. Kotru rudini Kruoslova puļcej plenera gleznuotuojus, kuri īmyužynoj ituos senatneiguos piļsātys kūka arhitekturu, parka i upis skotus. Par Kruoslovys specifiku i šarmu stuosta fotomuokslinīks Anatols Kauškalis, kai ari Kruoslovys Muokslys školys izgleitojamī i jūs pedagogi Maija Šuļga i Valdis Pauliņš. I, prūtams, kur cytur sajust piļsātys garšu, ka na tiergā – laukumeņā pošā Daugovys krostā Mārim Susejam par ogurčim i cytim lobumim vysu izstuosta divejis puordeviejis, divejis Marejis.

Dagda sovukuort atsarūn lela i šmuka azara krostā. Azaru sauc taipoš kai piļsātu, natuoli nu tuo krosta ir Dagdys arhitektoniskuo dominante – vītejuo katuoļu bazneica. Tys ir senatneigs baroks – fasade ir bez tūrņu, ar plotim i dekorativim frontonim. Draudzis sātā jau daudzus godus atsarūn bīdreibys “Patria” muzejs, par tuo daudzskaitleigajim i unikalajim eksponatim stuosta nūvodpietnīks Aivars Arnicāns. Par jū teišom var saceit: cylvāks-muzejs, cylvāks-enciklopedeja.

Roksta saturs ir apmoksuots.

Kalenders

Feb
19
Tre
11:00 Izruode “Spreideits” @ Daugovpiļs teatris
Izruode “Spreideits” @ Daugovpiļs teatris
Feb 19 @ 11:00 – 12:00
Pyrmū reizi nu teatra skotuvis puosoku luga „Sprīdītis” izskanēs latgaliski! Izruode ir paradzāta kai tim, kurim latgalīšu volūda ir dzymtuo, tai tim, kurim gribīs tū lobuok īpazeit, jo Spreideiša laimis mekliejumi ir labi zynomi i[...]