Rokstu sagataveja: portals lakuga.lv

2020. gods 14. junī Dzintaru koncertzalā Jiurmolā nūtiks Latgolys muziku koncerts “Taiseits Latgolā”, līcynoj bilešu tierznīceibys vītnē bilesuserviss.lv publicātuo informaceja.

VEF Kulturys pilī Reigā oktobrī nūtyka ar Latgolu saisteitūs muziku i izpiļdeituoju saīts “Taiseits Latgolā”, publikys atsauceiba bejuse lela i tys īdvesmuojs organizatorus sareikuot leidzeigu pasuokumu 2020. gods vosorā Jiurmolā. Vysu koncertu sovuos rūkuos i ar sovu bolsu saturēs muziks i vokora vadeituojs Kaspars Pudniks.

Kotrys izpiļdeituojs koncertā pīduovuos sovys popularuokuos i vīnlaikus ar Zylūs azaru zeimi saisteituos dzīsmis, saceits pasuokuma organizatoru paziņuojumā. Taipoš pasuokuma apmaklātuoji tiks īpazeistynuoti ar daudzim da šam nazynomim faktim par Latgolu i tuos viesturi, naizpaliks ari jūki.

Iz Dzintaru koncertzala skotivis 14. junī kuops grupys “Galaktika”, “Baritoni”, “Ginc un es”, “Liepavots”, “Inga un Normunds”, televizejis šova “Dziedošās ģimenes” uzvarātuoji Tihovsku saime. Koncerta “Taiseits Latgolā” apmaklātuojus prīcēs ari dzīduotuojs Atis Auzāns. Par dzeivū muzykalū nūformiejumu guoduos profesionalūs muziķu grupa “Crazy Daisy”, bet par horeografeju – tautys deju ansamblis “Cīpars”.