Izdūta gruomota par izcylū liduotuoju Jezupu Baško

Izdūta gruomota par izcylū liduotuoju Jezupu Baško

Rokstu sagataveja: portals lakuga.lv

Gruomotys “Starp debesīm un zemi” pamatā ir Krīvejis imperejis armejis liduotuoja i vāluokuo Latvejis aviacejis komandera, pulkveža Jezupa Baško 1937.–1939. godā apkūpuotī memuari par juo kara gaitom Pyrmuo pasauļa kara godūs.

Memuarūs ir apraksteits apbreinojamais J. Baško ceļš nu nabadzeigys Latgolys zemnīka sātys da Krīvejis imperejis armejis elitis – gaisa spāku – pulkveža.

Memuari pyrmū reizi pi skaiteituoju Latvejā tyka 1939. godā. Ar nūsaukumu “Virs ienaidnieka zemes” jī tyka publicāti laikrokstā “Brīvā zeme”. Sūpluok personeigam i ciļvieceigam atmiņu stuostam par pīradzātū Pyrmuo pasauļa kara dabasūs, izcyluo pilota memuari īzeimej ari latvīšu liduotuoju īvārojamū davumu Krīvejis imperejis aviacejis pyrmsuokumūs.

Niulenejā memuaru izdavumā papyldus īkļauti dati par gaisa kuģnīceibys i aviacejis atteisteibu Krīvejis imperejis Baļtejis regionā, Latvejis kara aviacejis pyrmsuokumim i J. Baško darbeibu Latvejis aviacejā nu 1922. da 1940. gods. Gruomotys informativū materialu papyldynoj unikali fotoattāli nu Baško saimis arhiva i Latvejis Kara muzeja kruojuma.

Gruomotys “Starp debesīm un zemi” redaktors i veiduotuojs ir liduotuoja J. Baško mozdāls – Jāzeps Baško.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]