Rokstu sagataveja: portals lakuga.lv

Vladislava Lōča latgalīšu rakstnīceibys muzejs Rēzeknē 25. janvarī 14.00 stuņdēs aicynoj iz keramiku i muokslinīku Vogulu saimei veļteitu dailradis piecpušdīni. Pasuokumā daleibu jims ari folklorys kūpa “Konasāta”, informej Vladislava Lōča fonda puorstuovs Harijs Bernāns.

Keramiks Voldemārs Voguls (dz. 1952. g.) 2019. gods izskaņā izdeve sovu pīktū dzejis kruojumu “Dzeiveibas sola”. Leidz tam izdūti: “Uz zvaigžņu tylta” (1998), “Mes vīnā laikā” (2002), “Aglyunas patvārumā” (2005), “Sirds bolss” (2013). Sovukuort latgalīšu pedagogs, muzikis i literats, dricānīts Ontons Matvejāns (1937–2008) daudzejim V. Vogula tekstim komponiejs muzyku, radeidams unikalus skondorbus.

Dailradis vokorā viereibu pīgrīzs ari keramikys topšanai i juos nūzeimei Voldemāra i Olgys Vogulu dzeivē, jo kai nikai – ari obeju dāli sevi ir atroduši itymā muokslys veidā. Kai atzeist Vladislava Lōča latgalīšu rakstnīceibys muzeja vadeituojs Pīters Lōcs ideja par itaidu pasuokumu roduos, pasasokūt Voldemāra pīktajam dzejūļu kruojumam “Dzeiveibas sola”.