Jau ostoitū reizi nūtiks festivals “Muzykys skrytuļs”

Jau ostoitū reizi nūtiks festivals “Muzykys skrytuļs”

Rokstu sagataveja: portals lakuga.lv

Latgalīšu muzykys i muokslys baudeituojus nu 24. leidz 26. juļam Daugovpiļs nūvoda Leiksnā puļcēs festivals “Muzykys skrytuļs”. Itūgod latgalīšu muzykys festivals nūtiks ostoitū reizi.

Festivalu atkluos 24. julī ar jautrim Leiksnys daņčim, kurus aicynuos izdoncuot Latgolys atraktivuokuos daņču grupys i kapellys. Festivala sastdīnis, 25. juļa, koncertūs uzastuos latgalīšu jaunuos grupys i byus vareiba baudeit jau atpazeistamu grupu uzastuošonu, sūla pasuokuma organizatori. Sovukuort svātdīņ, 26. julī, Leiksnys Vyssvātuos Jezus Sirds Ruomys katuoļu bazneicā nūtiks goreiguos muzykys koncerts.
Festivala ītvorūs nūtiks ari nu jau tradicionalais pleners “Muokslys skrytuļs”, byus apsaveramys muokslinīku izstuodis, byus bārnu piļsieteņa i “lobūs sajiutu” tierdzeņš.

Latgalīšu muzykys festivals “Muzykys Skrytuļs” pyrmū reizi nūtyka 2005. godā ar mierki popularizēt latgaliskū identitati i sekmēt jaunu dzīšmu radeišonu latgaliski. Festivals vysim apmaklātuojim ir bez moksys, partū ka festivala organizatori aicinoj “kruot na tikai naudu”, a vyslobuokuos vosorys atminis!

Festivalu tradicionali reikoj Leiksnys pogosta puorvaļde i festivala iniciatoru grupa, savukuort finansiali atbolsta Daugovpiļs nūvoda dūme.

Print Friendly, PDF & Email

Kalenders

Apr
25
Cat
11:00 Festivals “Steigys” @ Juoņa Ivanova Rēzeknis muzykys vydsškola
Festivals “Steigys” @ Juoņa Ivanova Rēzeknis muzykys vydsškola
Apr 25 @ 11:00 – 17:00
Festivals "Steigys" @ Juoņa Ivanova Rēzeknis muzykys vydsškola
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 25 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Koncerts “Celīs, bruoļ!” @ VEF Kulturys piļs
Koncerts “Celīs, bruoļ!” @ VEF Kulturys piļs
Apr 25 @ 19:00 – 21:00
Koncertā pīsadola kai jau populari i labi pazeistami, tai i pavysam jauni, dažaidus muzykys stilus puorstuovūši muokslinīki: Juoņs Aišpurs (THE SOUND POETS), Arņs Slobožaņins (DABASU DUROVYS), Guntis Rasims i Jurs Vucāns (BEZ PVN), Jurs Ostrovskis[...]