Aicynoj dasasaceit konkursam “Vuolyudzāni” i latgalīšu olimpiadei

Aicynoj dasasaceit konkursam “Vuolyudzāni” i latgalīšu olimpiadei

Rokstu sagataveja: portals lakuga.lv

18. aprelī jau 20. reizi nūtiks atkluotuo latgalīšu rokstu volūdys i kulturviesturis olimpiade vydsškolānim i skotuvis runys konkurss ”Vuolyudzāni”. Itūgod konkurss paradzāts na tikai 1.–12. klašu audzieknim, bet ari pyrmškolys bārnim i studentim, portalu lakuga.lv informej pasuokumu organizatore Veronika Dundure.

Gon olimpiadis, gon skotuvis runys konkursa mierkis ir veicynuot kulturys vierteibu i izcyluokūs nūvadnīku apzynuošonu školuos, rūsynuot školu jaunatnis interesi par latgalīšu volūdu i kulturviesturi. Olimpiadis dalinīki ir vyspuorizgleitojūšūs školu 10.–12. klašu komandys 3–5 cylvāku sastuovā.

Olimpiadis pyrmais pūsms nūteik kotrā školā, i tei izvierzej puorstuovus daleibai vaļsts atkluotajā olimpiadē, kura nūtiks 18. aprelī Rēzeknis Vaļsts 1. gimnazejā.

Itūgod olimpiadis aizdavumu temys ir:
1) latgalīšu rokstu volūdys prasmis;
2) Andryvam Jurdžam – 175 i Pīteram Miglinīkam – 170;
3) Nikodemam Rancānam – 150;
4) Ontonam Kūkuojam – 80;
5) Latgolys kulturtests (LKC izdevnīceibai – 30, myusdīnu latgaliskī pasuokumi, nūtykumi, jubilejis 2019. godā).

Pīteikumi olimpiadei juoīsnādz leidz 2020. goda 10. apreļam, syutūt iz epostu lvlksa@inbox.lv, nūruodūt školu, klasi i dalinīku vuordu i pavuordi.

20. atkluotuos latgalīšu rokstu volūdys i kulturviesturis olimpiadis nūlykums

Leidz 10. apreļam gaida ari pīteikumus par daleibu skotuvis runys konkursa “Vuolyudzāni”, tī juosyuta iz s-postu lvlksa@inbox.lv, nūruodūt školāna vuordu, uzvuordu, školu, klasi, školuotuoju, taipat — daildorba autoru i nūsaukumu. Organizatori aicynoj īvaruot pīsateikšonys laiku i vālamū dalinīku skaitu.

Skotuvis runys konkursa “Vuolyudzāni” nūlykums

Print Friendly, PDF & Email

Kalenders

Feb
29
Cat
all-day Evijis Styrnys gleznu izstuode “... @ Rēzeknis Centraluo biblioteka
Evijis Styrnys gleznu izstuode “... @ Rēzeknis Centraluo biblioteka
Feb 29 all-day
Mādz saceit, ka dzeive ir sapyns. Izstuodē ir vārojamys gleznys akvareļu tehnikā, kuru var skaiteit par eipaši pīmāruotu sapynu atspaitu radeišonai. Akvareļu kruosys ar sovu plyustūšū caurspeideigumu ļaun mums īsajust sapynu pasaulī, kur vysu dzeivūs[...]