Rokstu sagataveja: portals lakuga.lv

Indīpopa grupa “The Sound Poets” publiciejuse video latgaliskajai dzīsmei “Tik lānai kai munys dūmys”, kuru pyrmū reizi izpiļdeja pārnejā Latgalīšu kulturys goda bolvys “Boņuks 2018” padūšonys ceremonejā.

Dzīsme “Tik lānai kai munys dūmys” latgalīšu muzykys klauseituojim ir zynoma jau daudzus godus, tū sarakstejs i izpiļdejs Uģis Vilcāns. Par izvēli izpiļdeit Uģa dzīsmi grupa “The Sound Poets” sovā facebook.com kontā roksta: “Ir vairuoki īmesli, parkū asam izavieliejuši īskaņuot i pavasara koncertserejā “Klusāk” atskaņuot itū breineigū Uģa Vilcāna dzīsmi “Tik lānai kai munys dūmys”. Pyrma gods, kod Latgalīšu kulturys goda bolvys “Boņuks” organizatori aicynuoja pagūdynuot ceremoneja ar sovu daleibu, myusu Kārlis Josts, dzims i audzs Latgolā, pīduovuoja ideju par myusdīneigu latgalīšu dzīsmi myusu aranžejā. Mes patīsi īmīļuojom itū dzīsmi i izlēmem tū īraksteit, kab tei atītu da jiusu vysu”.

Grupa “The Sound Poets” 28. martā īsuoks akustiskū koncertsereju “Klusāk” ar pyrmū koncertu Rēzeknē, Latgolys viestnīceibā GORS.