Par latgalīšu literaturu turpmuok ari “konTEKSTĀ”

Par latgalīšu literaturu turpmuok ari “konTEKSTĀ”

Rokstu sagataveja: portals lakuga.lv

Nu ituogods apreļa numera Latvejis Rakstnīku savīneibys mienešrokstā “konTEKSTS” ar viestejumu par latgalīšu kulturys bolvu “Boņuks” sajāmušajom gruomotom teik suokta rubrika “Olūtuošona”. Paradzāts informēt par jaunuokū latgalīšu literaturā – nūtikšonys, jaunys gruomotys, puorskoti, recenzejis.

Ar izdavumu sasadorbuos kulturys žurnalistis Sandra Ūdre i Inga Kaļva-Miņina. Parkū “Olūtuošona”? “Tam vuordam rubrikys nūsaukumā juobyun na viņ interesantam mums pošom, bet saprūtamam i ar latgaliskū asociativam ari vairumam izdavuma skaiteituoju. Tradicionali poetiskā leidzīnī runuošonu i raksteišonu vysaidu ītekmu nasamaituotā latgalīšu volūdā saleidzynoj ar skaidru olūta iudini, tys vysvaira pasateicūt Eugeņa Karūdznīka dzīsmei “Skaidra volūda” ar Annys Rancānis vuordim. I atvasynuojumi ar -šona apzeimej procesus,” pīzeist S. Ūdre.

Parkū “konTEKSTĀ”ari latgalīšu literatura, stuosta izdavuma “konTEKSTS” golvonuo redaktore Sandra Ratniece: “Mes gribim aptvert vysu Latveju, i latgalīšu kultura i literatura ir byutiska juos daļa. Myusu izdavumā ir rubrikys par literarom aktivitatem Kūrzemē i Zemgalē.  Kai te sūpluok veņtenim bez latgalīšu, kam ir pat sova rokstu tradiceja?”

“konTEKSTU” var abonēt “Latvijas Pasts” sātys lopā, taipat izdavums atrūnams Jāņa Rozes i apguoda “Zvaigzne” Latgolys gruomatneicuos.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]