Roksta autors: portals lakuga.lv

Itūgod Ontonam Kūkojam (1940–2007) palyktu viņ 80. Bez juo kolorituos personeibys nav īdūmojama Latgolys kultura 20. g. s. II pusē – dzejnīks, dramaturgs, publicists, muokslinīks, scenografs, muzeja specialists, kinoscenarists, režisors, akters, pedagogs, kulturys i sabīdryskais darbinīks. Jis pats, ari genetiski kai jau kalieja dāls, sevī īmīsuoja fizisku stiprinīku i mistisku latgalīšu Kūknesi, tok muocēja emocionali smolkai kaituotīs ar vuordim i kruosom. Sovā dziļuokajā byuteibā jis īsastuoja par latgalīša pamatlītom – mīlesteiba, saime, sāta, dzymtuo Rogovkys puse i vysa Latgola ar unikalom vītom.