Latgalīši sasatiks tierga polotā škārsteiklā

Latgalīši sasatiks tierga polotā škārsteiklā

Roksta autors: portals lakuga.lv       

18. juļa piecpušdinī jau pīktū reizi uorzemēs dzeivuojūšīm latgalīšim byus īspieja izjust kūpeibys sajiutu i škārsteiklā sasatikt ar cytim latgalīšim Pasauļa latgalīšu saliduojumā. Itymā reizē sasatikšonys tema – tierga polots.

Pīktuo saliduojuma formats atsaškirs nu īprīkšejūs. Organizatoris dūs īspieju dorba deviejim i vysaidu pakolpuojumu pīduovuotuojim sasatikt ar potencialajim dorba jiemiejim i pierciejim. Dorba maklātuojim byus juopastuosta par sovom prasmem i pīredzi. Aicynuoti ir ari frīlanceri, kas var pīduovuot sovus pakolpuojumus. Saliduojums 18. julī suoksīs 16.00 stuņdēs piec Latvejis laika.

Īprīkšejais aba catūrtais Pasauļa latgalīšu saliduojums škārsteiklā nūtyka 14. junī. Sarunā dasadaleja kanepu audzātuojs Andris Višņevskis nu “Obelisk farm” i muzike, modele Aija Īzaka nu Teksasys, ASV. Gostu vydā beja ari vysaidu vacumu latgalīši nu Leitovys, Zvīdrejis i Igaunejis.

Andris pasadaleja na tikai ar sovu pīredzi, kai ir dzeivuot Latgolā, bet atkluoja ari kaidu sovu recepti. Aija sovkuort pastuosteja par pīredzi modelis karjerā i pasadaleja ar atmiņom, kai reiz sajāmuse svareigu apbolvuojumu nu ASV prezidenta par sovu pīnasumu sabīdreibai i kūpīnai.

Pyrmais Pasauļa latgalīšu saliduojums nūtyka 2. majā. Sasatikšonys škārsteiklā organizej Ingrida Anna Tārauda i Aija Mežale.

Vaira informacejis par pīktū Pasauļa latgalīšu saliduojumu ITE.

Dasasaceit Pīktajam saliduojumam leidz 13.07.20 ir īspiejams ITE.

Print Friendly, PDF & Email

Kalenders

May
25
Sai
19:00 Leluo Latgolys zaļumballe @ Lūznovys muiža
Leluo Latgolys zaļumballe @ Lūznovys muiža
May 25 @ 19:00 – 23:00
Zaļumballi īskandynuos grupa “TRIO Rāzna +”, bet vokora ūtrajā daļā apmaklātuojus energiski i skaneigi izklaidēs grupa “Stradivari”.   Īīšonys moksa 4,00 eiro.   Biletis “Biļešu paradīzes” kasēs i Lūznovys muižā.
May
28
Ūtr
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 28 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]