Jaunā raidejumā apsavērs latgalīšu kulturtelpys problemvaicuojumus

Jaunā raidejumā apsavērs latgalīšu kulturtelpys problemvaicuojumus

Rokstu sagataveja: portals lakuga.lv

Bīdreiba “Latgolys Producentu Grupa” izveiduojuse jaunu raidejumu cyklu “PUORMEJIS”, kurymā tiks runuots par izmaiņom Latgolys sociali ekonomiskajūs, sabīdryski politiskajūs i kulturys procesūs. Kūpumā paradzāti pīci raidejumi, portalu lakuga.lv informej bīdreibys puorstuovs Guntis Rasims.

Raidejumu cykla “PUORMEJIS” mierkis ir styprynuot nacionalū kultūrtelpu Latgolys latvīšu volūdā, vaļstiskū apziņu, kritiskū dūmuošonu, kai ari sabīdreibys salīdeiteibu iz latgalīšu volūdys pamata. Raidejumūs tiks analizātys itaidys temys kai latgaliskuo kulturtelpa i volūda, pīrūbežys medeju telpa, ekonomika i uzjiemiejdarbeiba, Eiropys Savīneibys uorejuo rūbeža, administrativi teritorialuo reforma.

Pīcu raidejumu cykls “PUORMEJIS” paradzāts kai pīci sūli, lai raideit, apzynuot i atrast Latgolys regionam svareigūs temu realejas i tū atteisteibys vierzīņu īspiejis puormaiņu laikmatā. Latvejis austrumu regionam, Latgolai, itys ir nūpītnys puorbaudejumu laiks. Administrativi teritorialuo reforma, geopolitiskais nūvītuojums, kulturys i identitatis tradicejis, virusu pandemejis draudu i tūs potencialuos sekys, kai ari Latgolys cylvāks – ar bīži viņ vēļ naizmontuotu potencialu regiona i vaļsts izaugsmis veicynuošonā.

Pyrmajā raidejumā teik apsavārta situaceja ap latgalīšu volūdu Latgolys školuos. Voi volūda teik lītuota vuiceibu procesā? Voi tū atļaun dareit lykums? Kaida ir školu vadeibys, pedagogu, bārnu, vacuoku, īdzeivuotuoju i Izgleiteibys i zynuotnis ministris Ilgys Šuplinskys nūstuoja itymā vaicuojumā?

Raidejuma veiduotuoju komandā dorbojās Arnis Slobožaņins, Tenis Bikovskis i Māris Justs.  

Projektu finansē Mediju atbalsta fonds no Latvijas valsts budžeta līdzekļiem. Par raidījumu “PUORMEJIS” saturu atbild biedrība “Latgolys Producentu Grupa”.

Print Friendly, PDF & Email