Veicynuos latgalīšu volūdys lītuošonu saimēs

Veicynuos latgalīšu volūdys lītuošonu saimēs

Roksta autors: portals lakuga.lv

Suokts projekts “Digitalī latgalīši” ar mierki atbaļsteit tuos saimis, kuruos jau runoj latgaliski, i paleidzēt tom, kuramuos vēļ narunoj, tok grybātu suokt runuot latgaliski. Interesentus aicynoj aizpiļdeit anketu, kas projekta eistynuotuojim paleidzēs saprast saimu vajadzeibys i izveiduot reiceibys planu.

Projekta “Digitalī latgalīši” idejis autors Jurs Viļums nūvāruojs, ka vacuoki, kuri poši zyna latgalīšu volūdu i runoj tamā ar cytim pīaugušajim, vys rešuok latgalīšu volūdu izmontoj saziņā ar sovim bārnim. “Ir svareigi, lai cylvāki piec īspiejis vaira latgalīšu volūdu lītuotu sovuos saimēs i bārni latgaliski reali runuotu, navys tikai dzīduotu folkloru ci īsavuiceitu vīnu panteņu deļ konkursa “Vuolyudzāni”. Es apleik dzieržu, ka bārni runoj latvīšu literarajā volūdā ci krīvu volūdā, i tys ir gon Dagdā, gon Preiļūs, gon ari Rēzeknē. Latgaliski sovā storpā bārnus runojam asmu dzierdiejs reši. Ari munu rodu bārni sovā storpā narunoj latgaliski,” sovūs nūvāruojumūs doluos Jurs.

Daudzim bārnim, kuri runoj latgaliski, nav īspiejis ar sovim vīnaudžim komunicēt latgaliski, i bārni, koč ari prūt latgaliski, automatiski ar cytim bārnim suoc runuot latvīšu literarajā volūdā. Jurs atzeimoj, ka ari vacvacuoki bīži “grākojūt” itymā vaicuojumā, jo ar unikim suocūt runuot latvīšu literarajā volūdā.

Jurs Viļums atzeimoj, ka itaidys situacejis ir lels drauds latgalīšu volūdys nuokūtnei, i vacuokus byutu vaira juomudynoj runuot ar sovim bārnim latgaliski, kai ari vacuokim byutu juopīduovoj paleidzeiba i dažaidi materiali. Kab paleidzānu saimem, projektā “Digitalī latgalīši” tiks apzynuotys saimu vajadzeibys i tiks sagataveiti dažaidi materiali, kas jom byus nūdereigi, pīmāram, audio gruomotys vītnē Youtube.com, spēlis i aizdavumi. Paradzāts ari latgaliski runojūšys saimis sovā storpā sapazeistynuot, kas dūs vareibu vīnam ar ūtru daleitīs sovā pīredzē, kai ari bārnim byus īspieja satikt latgaliski runojūšus vīnaudžus.

Anketa daeinama ITE.

Projektu “Digitalī latgalīši” eistynoj Latgalīšu kulturys bīdreiba, i atbolsts tam sajimts 2020. gods Latgolys kulturys programys konkursā.

Print Friendly, PDF & Email

Nūtikšonu kalendars

May
24
Ūtr
19:00 Latgalīšu rokstu volūdys nūdarbeiba @ tīšsaistē
Latgalīšu rokstu volūdys nūdarbeiba @ tīšsaistē
May 24 @ 19:00 – 20:30
Bīdreiba “LgSC” sadarbeibā ar latgalīšu kulturys ziņu portalu lakuga.lv aicynoj iz ostoņom latgalīšu rokstu volūdys tīšsaistis bezmoksys nūdarbeibom, kab kotrys interesents varātu izzynuot vaira par latgalīšu rokstu volūdu i īsavuiceit tuos pamatprincipus. Latgalīšu rokstu volūdys[...]
May
25
Tre
16:00 Maja dzīduojumi pi krysta ar etn... @ Vabalis krysts
Maja dzīduojumi pi krysta ar etn... @ Vabalis krysts
May 25 @ 16:00 – 17:30
Majs katuoļu bazneicys kalendarā ir Svātuos Jaunovys Marijis mieness – laiks, kod Vabalē teik izpuškuoti ceļa molys krysti i nūteik maja dzīduojumi. Ari itūgod, saglobojūt vīnu nu namaterialuo kulturys montuojuma tradiceju, pogosta ļauds teik aicynuoti[...]
May
26
Cat
19:00 Daņču vokors ar folklorys kūpu “... @ Augšdaugovys nūvoda kulturys centrs "Vārpa"
Daņču vokors ar folklorys kūpu “... @ Augšdaugovys nūvoda kulturys centrs "Vārpa"
May 26 @ 19:00 – 21:00
Daņču vokors ar folklorys kūpu "Dyrbyni" @ Augšdaugovys nūvoda kulturys centrs "Vārpa"
Leidza: ārtys mainis kurpis doncuošonai, dzeramais iudiņs. Daleiba breiva.
May
27
Pīk
15:00 Diskuseja par Latgolys parka att... @ Reiga
Diskuseja par Latgolys parka att... @ Reiga
May 27 @ 15:00 – 17:30
Diskuseja par Latgolys parka atteisteibu @ Reiga
Reigys dūme piec latgalīšu navaļstiskūs organizaceju rūsynuojuma lāmuse Moskovys duorzu Reigā puorsaukt par Latgolys parku. Kab dūmuotu, kai reizē ar itom puormaiņom parku padareit par pīviļceiguoku teritoreju i īspieju reidzuonim car tū vaira izzynuot par[...]
20:00 Jura Ostrovska koncerts @ Tiļžys kulturys i viesturis noms
Jura Ostrovska koncerts @ Tiļžys kulturys i viesturis noms
May 27 @ 20:00 – 22:00
Jura Ostrovska koncerts @ Tiļžys kulturys i viesturis noms