Konkursa “Jāzepa Pīgožņa balva Latvijas ainavu glezniecībā” izstuode Daugovpilī

Konkursa “Jāzepa Pīgožņa balva Latvijas ainavu glezniecībā” izstuode Daugovpilī

Rokstu sagataveja: portals lakuga.lv

Pīktdiņ, 14. augustā 15.00 stuņdēs Daugovpiļs Nūvodpietnīceibys i muokslys muzejā jau sastū reizi tiks atkluota “Jāzepa Pīgožņa balva Latvijas ainavu glezniecībā” izstuode. Sevkurs grybātuojs varēs izstuodi apsavērt leidz 15. septembram.

Itūgod konkursā “Jāzepa Pīgožņa balva Latvijas ainavu glezniecībā” dasadaleja 180 muokslinīki, kuri īsnēdze 327 dorbus. Vysus dorbus izviertēs žureja septeņu cylvāku sastuovā. Itūgod muokslysdorbus viertēs pārnejuo goda konkursa uzvarātuojs i muokslinīks Nugzars Paksadze, muokslys zynuotneica Ingrīda Burāne, muokslineica Helga Jaksone, Preiļu Viesturis i lītiškuos muokslys muzeja ekspoziceju i izstuožu kuratore Silvija Berezovska, muokslinīks Jānis Anmanis, tekstilmuokslineica Leontīne Pīgozne i scenografs Aigars Ozoliņš. Konkursa žureja divejuos kuortuos nu dasaceitūs 327 dorbu izavielēs tik 92.

Ingrīda Burāne uzsver: “Itei izstuode ir vīna nu ilglaiceiguokūs, muokslinīku i muokslys interesentu atbaļsteituokūs muokslys dzeivis nūrišu gleznīceibā myusu vaļstī.”

Leidz šam bolvu par snāgumu Latvejis ainovu gleznīceibā sajāmuši Roberts Muzis, Silva Linarte, Aldis Kļaviņš, Jānis Plivda I Nugzars Paksadze. Itūgod bolvai nomināta Baiba Ābelīte, Agnija Ģērmane, Inga Jurova, Indulis Landaus, Alberts Pauliņš i Agra Ritiņa. Konkursa uzvarātuoji tiks paziņuoti svineigā pasuokumā Preiļu nūvoda kulturys centrā 2. septembrī.

Print Friendly, PDF & Email

Nūtikšonu kalendars

Dec
4
Svā
vysu dīnu Izstuode “Pierastie un neparastie” @ Daugovpiļs Nūvodpietnīceibys i muokslys muzejs
Izstuode “Pierastie un neparastie” @ Daugovpiļs Nūvodpietnīceibys i muokslys muzejs
Dec 4 vysu dīnu
Daugovpiļs Nūvodpietnīceibys i muokslys muzejā da 4. decembra apsaverama Aleksandra i Ingys Maijeru muzykys instrumentu i skaņu reiku kolekcejis izstuode “Pierastie un neparastie”. Inga Maijere i Aleksandrs Maijers jau vaira nakai divdesmit godu taisa skaņu[...]
15:00 Kamermuzykys koncerts “Latgales ... @ Lūznovys muiža
Kamermuzykys koncerts “Latgales ... @ Lūznovys muiža
Dec 4 @ 15:00 – 16:30
Koncerts “Latgales ainavas” veļteits Latgolā dzymušu, kai ari ar tuos kulturu saisteitu komponistu dorbim. Koncertā byus klausama kamermuzyka flautai, vejūlei i klavīrem, kū atskaņuos jaunekleigais akademiskuos muzykys trio “Tea For Three”. Trio sastuovā muzicej flautiste[...]