Latgolys muokslys i amatnīceibys centrā var īsaklauseit Latgolā

Latgolys muokslys i amatnīceibys centrā var īsaklauseit Latgolā

Rokstu sagataveja: portals lakuga.lv

Latgalīšu volūda vīnmār ir pīsaistejuse turistus, tuos unikalitate i skaneigums vylynoj īsaklauseit volūdys skaniejumā. Niu Leivuonūs, Latgolys muokslys i amatnīceibys centrā, ir īspieja klauseitīs latgalīšu volūdu – muzyku i dzeju – bezvodu austeņuos.

Latgolys muokslys i amatnīceibys centrs apmaklātuojim pīduovoj jaunu aktivitati “Ieklausies Latgalē”, tuos laikā apmaklātuoji var sajimt bezvodu austenis i klauseitīs latgalīšu muzyku i dzeju. Itys pakalpuojums daīmams bez moksys, reizē latgalīšu volūdu austeņuos var klauseitīs 40 cylvāku.

Muzeja puorstuovi portalam lakuga.lv atkluoj, ka ir izveiduots ap 40 minutu gars dzīšmu saroksts, kurā pagaidom skaņ tikai grupu “Bez PVN” i “Dabasu Durovys” dzīsmis. Ar laiku ir plānuots īkļaut ari cytu grupu dzīsmis.

Itei aktivitate pīduovoj ari školānim apgiut latgalīšu volūdu i īpazeit Latgolys myusdīnu dzejnīkus. Apmaklātuojim i tim, kas grib dzierdēt latgaliskū, daīmama Annys Rancānis, Džeinys Gavaris, Oskara Seiksta, Voldemāra Vogula, Arvīda Gļaudys, Meldrys Gailānis, Dagnejis Dudarjonokys, Ivetys Dimzulis, Ingys Kaļvys-Mininis, Janys Skrivlis-Čeveris, Juoņa Ryučāna, Līvijis Līpdruvītis, Valentina Lukaševiča, Leontīnis Apšineicys i Inetys Atpilis-Juganis dzeja. Dzeju latgaliski īrunuojuši poši autori.

Itaida veida pīduovuojums ir vīneigais Latgolā. Lobūs laika apstuokļūs gosts var pajimt kaidu deči i īt atsapyust Daugovys krostūs, i klauseitīs latgalīšu volūdu. Zīmys mienešūs latgalīšu volūdu austeņuos varēs klauseitīs īkštelpuos.

Aktivitatis laikā teik īvāruotys vysys drūšeibys praseibys – austenis piec kotrys reizis dezinficej, taipoš apmaklātuoji ir byus īspieja ari distancētīs.

Pīduovuojums taiseits Vaļsts Kulturkapitala fonda i Latvejis Vaļsts mežu atbaļsteituos Latgolys kolturys programys projektu rezultatā. Projekta pīduovuojums veicynuos Latgolys literaruo montuojuma saglobuošonu i popularizēs latgalīšu volūdu.

Print Friendly, PDF & Email

Nūtikšonu kalendars

Sep
29
Pīk
16:00 Rotko muzeja kruojuma izstuodis ... @ Daugovpiļs Marka Rotko muokslys centrs
Rotko muzeja kruojuma izstuodis ... @ Daugovpiļs Marka Rotko muokslys centrs
Sep 29 @ 16:00 – 17:00
Pīktdiņ, 29. septembrī, 16.00 stuņdēs Daugovpiļs Marka Rotko muokslys centrā, iz prīšku – Rotko muzejā, sūpluok muokslinīka Marka Rotko originalu ekspozicejai tiks atkluota kruojuma izstuode “Nr. 2 [Bez nosaukuma]”. Kruojuma izstuodei izvālāti muokslys dorbi, kas[...]
19:00 Aijis Rimšys pīminis koncerts “Z... @ Latgolys viestnīceiba "Gors"
Aijis Rimšys pīminis koncerts “Z... @ Latgolys viestnīceiba "Gors"
Sep 29 @ 19:00 – 21:00
Latgolys rūženis, dzīduotuojis i dzīšmu autoris Aijis Rimšys myusu vydā nav jau ostoņpadsmyt godu, tok juos dzīsmis dzeivoj i skaņ. Desmit muzykalajūs godūs – deveni dzīšmu albumi! Taids ir montuojums, kurū mums pamatuse Aija Rimša,[...]