Latgolys cīmatu stuosti: Malta

Latgolys cīmatu stuosti: Malta

Roksta autors: Dautkom TV

Septembrī ceļu pi skateituoju suoc SIA “Dautkom TV” veiduotais televizejis raidejumu cykls “Latgales ciematu stāsti: nezināmais par zināmo”. Pyrmajā raidejumā stuosts par Maltu.

“Parkū itū raidejumu beja vārts taiseit, parkū ir vārts tū vērtīs? Viesturis sluoņs dažā cīmatā ir tik zeimeigs i dziļs, ka pat cyta Latgolys piļsāta ar taidu navar lepuotīs. Mīstim rakstureiguo arhitektura, smukuo doba… I, prūtams, breineigī cylvāki, kuri ite dzeivoj, kuri ite struodoj. Kuri ite audzynoj bārnus, realizej sovus hobejus. Ite vysi vīns ūtru pazeist. Pasarunoj, izpaleidz, sprīž par nuokūtni. Te vēļ ir dzeivys tradicejis, vactāvu caltuos sātys, muotis volūda. Te tys latgaliskums ir eipaši dziļs, taids rikteigi eists!” soka Valentins Lukaševičs, vīns nu raidejuma veiduotuoju.

Pyrmais raidejums veļteits Maltai. Atkuortojūt daudzreiz dzierdātū teicīni – na tei, kura Vydsjiurā, bet tei, kura pi Rēzeknis.

Raidejumā teik škatynuotys Maltys vītvuorda peripetejis, gastejūt pi rūtu kaļva Riharda Cibļa. Raidejuma veiduotuoji nūbraukuši iz vītu, kur kaidreiz beja Maltys muiža, stuosta par transporta celim, pasasokūt kurim uzplauka Maltys cīmats, apsaver vītejū muzeju, kai ari akcentej mozzynomū –  Rozentovas sīru 20. g.s. suokuos baudeja i slovynuoja daudzuos Eiropys golvyspiļsātuos.

Itamā sezonā skateituojim tiks pīduovuoti ostoni raidejumi. Kai paguojušajā godā radzātajūs “Latgales pilsētu stāstos”, ari itūs raidejumu vadeituojs ir Māris Susejs. Raidejumus producej “Dautkom TV”, tī tiks izruodeiti ari televizejis kanalā “LRT+”,  kai ari byus daīmami breivpīejā škārsteiklā (grani.lv, lakuga. lv, xtv.lv).

Raidejums “Latgales ciematu stāsti: nezināmais par zināmo” veiduots ar NEPLP atbolstu sabīdryskuo pasyutejuma ītvorūs.

Roksta saturs ir apmoksuots.

Print Friendly, PDF & Email

Nūtikšonu kalendars

Jun
30
Cat
vysu dīnu Džeinys Gavaris gleznu izstuode ... @ Maltys viesturis muzejs
Džeinys Gavaris gleznu izstuode ... @ Maltys viesturis muzejs
Jun 30 vysu dīnu
Džeinys Gavaris gleznu izstuode "Mantojums" @ Maltys viesturis muzejs
Da 30. juņa Maltys viesturis muzejā var apsavērt dzīsmineicys, gleznuotuojis i dzejneicys Džeinys Gavaris gleznu izstuodi “Mantojums”. Poša Džeina Gavare stuosta: “Izstuode ir kai turpynuojums viestei par mīlesteibu. Izstuode ir par tū, kuo „pādūs” mes[...]
Jul
1
Pīk
20:00 Grupys “Reibums” koncerts @ "Fresh Terase"
Grupys “Reibums” koncerts @ "Fresh Terase"
Jul 1 @ 20:00 – 21:30
Grupa “Reibums” ir cālusēs Rāznys azara krostā Kaunatā Covid īrūbežuojumu laikā, kod vīneiguos izklaidis vareibys beja izklaidēt sevi pošim. Tok dalinīku saspēlis pyrmsuokumi meklejami jau lobu laiku īprīšk.   Grupa “Reibums” spielej vīnkuoršu, jautru dzeivū[...]