Grupu “Skyforger” iz GORA skotuvis īsiļdeis latgalīši “Green Novice”

Grupu “Skyforger” iz GORA skotuvis īsiļdeis latgalīši “Green Novice”

Rokstu sagataveja: portals lakuga.lv

17. oktobrī 19.00 stuņdēs Latgolys viestnīceibā GORS ar vierīneigu lobuokūs dzīšmu koncertu gasteis “pagan metal” grupa nu Reigys “Skyforger”. Koncerta pyrmajā daļā piec vīna goda puortraukuma uzastuos latgaliski dzīdūšuo “folk metal” grupa “Green Novice”, portalu lakuga.lv informej pasuokuma organizatori.

 “Skyforger” koncertā izpiļdeis labi zynomuos dzīsmis nu vysim grupys albumim: “Migla rasa”, “Ķēves dēls”, “Rāmava”, “Kad Ūsiņš jāj”, “Nekas nav aizmirsts” i c. Kai atzeist grupa, Latgolys pusē nav byuts vysmoz pīcus godus, i aicynoj vysus iz rikteigim folkmetala svātkim. Turkluot uzastuošona GORĀ itūgod byus tikai ūtrais “Skyforger” koncerts.

Grupys “Skyforger” i  “Green Novice” saista na viņ izpiļdeituos muzykys žanrs, bet obejuos grupuos spēlej Alvis Bernāns. “Alvis spēlej gitaru grupā “Skyforger”, kai ari jis ir “Green Novice” gitarists i golvonais liders, vokalists. Tai ka jam itymā koncertā byus dubultslūdze. Vyspuor itaids koncerts obejom grupom kūpā byus pyrmū reizi – Alvim pa vydu drupeit atelpys, i tod jau otkol juospēlej ar ūtru grupu,” potalam lakuga.lv nūruoda “Skyforger” puorstuovs Andis Mikainis . Vēļ “Green Novice” sastuovā dorbojās Vitālijs Piskunovs (basgitara), Zigmunds Čeksis (gitara), Valdis Metlāns (bungys).

Koncerts GORĀ “Green Novice” byus pyrmuo ituo gods uzastuošona, tamā grupa izpiļdeis ari divejis jaunys dzīsmis nu tūpūšuo albuma.

Print Friendly, PDF & Email

Kalenders

Apr
18
Cat
12:00 Latgolys dīna @ Vacsalīnys muižys piļs
Latgolys dīna @ Vacsalīnys muižys piļs
Apr 18 @ 12:00 – 14:00
Latgolys dīna @ Vacsalīnys muižys piļs
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]