Grupa “Dabasu Durovys” izdūd pīktū studejis albumu “Perimetrs”

Grupa “Dabasu Durovys” izdūd pīktū studejis albumu “Perimetrs”

Rokstu sagataveja: portals lakuga.lv

Grupa “Dabasu Durovys” izdavuse jau pīktū albumu, kuram dūts nūsaukums “Perimetrs”. Tymā īkļauti 10 skaņdorbi latgalīšu i latvīšu literarajā volūdā, kas īturāti poproka stilā.

“Da šam asam sovys dzīsmis aranžiejuši poši, bet itamā reizē tū ir paleidziejuši izdareit cyti muziki –  Einārs Lipskis (dzīsmis “Ceļaviejs”, “Reits”, “Gorā Seits”, “Aizliegums”) i Zurabi Ivanāns (dzīsmis “Būs vai nebūs”, “Ūglis”). Sadarbeiba ar cytim muzikim daudzom albuma dzīsmem pīškāruse svaiguoku i grupai naīrostu skaniejumu. Albums ir eipašs ari ar tū, ka vairuoku dzīšmu tekstim izmontuoti Latvejis dzejnīku radeiti dorbi – Ojāra Vācieša (dzīsme “Akmenī”), Andryva Jūrdža (dzīsme “Leiču, leiču”), Lidijis Slišānis (dzīsme “Ar dzeloņiem uz iekšu”), Ontona Kūkoja (dzīsme “Reits”), tai par jaunū albumu soka poši muziki.

Dzīsmis īraksteitys Eināra Lipska, Arņa Slobožanina, Denisa Smirnova i Aleksandra Tamana sātys studejuos, kai ari “Sugar Hill Studios” (Hjūstona, ASV). Dzīšmu piecapstruodi veice Armands Treilihs. Albuma dizaina autors – Aivars Bulis.

Albums “Perimetrs” digitalā formatā daīmams “iTunes”, “Spotify”, “Bandcamp” i cytuos muzykys straumiešonuos vītnēs. Sovukuort nu oktobra vyds albums byus byus daīmams vinila platis formatā.

Grupa “Dabasu Durovys” aicynoj iz koncertu Reigā 17. oktobrī 22. stuņdēs klubā “KadagiPiens”.

Albums “Perimetrs” taps ar Vaļsts Kulturkapitala fonda, Akka-laa, Laipa i Pītera Aloiza Ragauša atbolstu. Albumu informativi atbolsta Latgalīšu kulturys ziņu portals lakuga.lv i failiem.lv.

Albums “Perimetrs” digitalā formatā ITE.

Kalenders

Jun
19
Cat
06:45 Pasuokums “FIZISKAIS RŪBEŽS: kul...
Pasuokums “FIZISKAIS RŪBEŽS: kul...
Jun 19 @ 06:45 – 18:45
Pasuokums "FIZISKAIS RŪBEŽS: kulturys nūzeime i pīejameiba Latvejis austrumu regionā"
Latgolys muokslys i kulturys platforma MUD LAB aicynoj iz storpdisciplinaru pasuokumu FIZISKAIS RŪBEŽS, kas nūtiks Leivuonā ituo gods 19. junī, daudzfunkcionaluo jaunīšu iniciativu centra “Kvartāls” futbola laukumā i Leivuon dzeļžaceļa stacejā. Pasuokums, kurā pīsadaleis kai[...]
18:00 Seminars “Viesturis olūtu komple... @ Kruoslovys nūvoda muzejs
Seminars “Viesturis olūtu komple... @ Kruoslovys nūvoda muzejs
Jun 19 @ 18:00
Seminars "Viesturis olūtu kompleksuo izpiete: mutvuordu viesturis olūti i fotografejis" @ Kruoslovys nūvoda muzejs
19. junī 18.00 stuņdēs Kruoslovys nūvoda muzejā nūtiks seminars “Viesturis olūtu kompleksuo izpiete: mutvuordu viesturis olūti i fotografejis”.
18:30 Izruode “Melnais piens/2024” @ Jaunais Reigys teatris
Izruode “Melnais piens/2024” @ Jaunais Reigys teatris
Jun 19 @ 18:30 – 20:15
Paguojuši 15 godi, kai JRT roduos izruode “Melnais piens”. Itei izruode paruoda, ka teatram nav obligati vysod juobyut baļsteitam iz destrukceju i konfliktim. Tys var byut ari par harmoneju i skaistumu, koč i skumeigu. Vizuali[...]