“Vuolyudzāni” tūmār nūtiks

“Vuolyudzāni” tūmār nūtiks

Rokstu sagataveja: portals lakuga.lv

Epidemiologiskuos situacejis dieļ tyka atcalts skotuvis runys konkurss “Vuolyudzāni” i 20. atkluotuo latgalīšu rokstu volūdys i kulturviesturis olimpiade. Vāluok organizatori lāmumu maineja i nūlēme itymā godā “Vuolyudzānus” reikuot, tok cytā formatā, portalu lakuga.lv informej Veronika Dundure.

Skotuvis runys konkursa “Vuolyudzāni” mierkis ir veicynuot kulturys vierteibu i izcyluokūs nūvadnīku apzynuošonu školuos, rūsynuot školu jaunatnis interesi par latgalīšu volūdu i kulturviesturi.

Konkurss nūteik nu 2020. goda 1. oktobra leidz 13. novembram. Školuotuoji īsyuta sovu audziekņu īrunuotūs daildorbu videoīrokstus leidz 2020. goda 13. novembram iz e-postu lvlksa@inbox.lv, nūruodūt školāna vuordu, uzvuordu, školu, klasi, školuotuoju, taipat – daildorba autoru i nūsaukumu. Konkursā pīsadola pyrmsškolys vacuma bārni, 1.–12. klašu školāni, ari studenti. Konkursa nūlykums ITE.

Apbolvuošona nūtiks 2020. goda 29. novembrī Rēzeknis nūvoda Rogovkā kūpā ar Nikodema Rancāna bolvys laureatu gūdynuošonu.

Print Friendly, PDF & Email

Nūtikšonu kalendars

Nov
7
Sai
16:00 Catūrtais pasauļa diktats latgal... @ Vyss pasauļs
Catūrtais pasauļa diktats latgal... @ Vyss pasauļs
Nov 7 @ 16:00
Catūrtais pasauļa diktats latgalīšu rokstu volūdā @ Vyss pasauļs
Diktats skanēs 7. novembrī 16 stuņdēs jaunīšu raidejumā “Pīci breinumi” vysuos Latvejis Radejis 5 frekveņcēs, tū varēs klauseitīs ari škārsteikla platformuos pieci.lv i lsm.lv, kai ari Latvejis Radejis Latgolys studejis i portala lakuga.lv kontūs socialajūs[...]