Roksta autors: Dautkom TV

Raidejuma “Latgales ciematu stāsti: nezināmais par zināmo” septeitais stuosts veļteits volūdiski, ezeriski i vysaiž cytaiž bogotajai Ondrupinei.

Eisti napamaneits i nanūvārtāts ir taids kulturys segments kai lauku bibliotekys. Te var na tikai pajimt gruomotys i paskaiteit jaunuokū presi, bet bibliotekuos nūteik vysaidi pasuokumi, izstuodis i tt. Raidejuma veiduotuoji soka paļdis Beneventai Račinskai par ļaušonu pabyut itamā lokalajā Gaismys pilī!

Ondrupinis puse ir bogota na tikai ar azarim, bet ari ar muolim. Nu tūs taiseja ceglus, kurus vēļ var redzēt bejušajā Ondrupinis muižā. Itū Ondrupinis muolu var redzēt ari Evijis dorbūs, kurūs apsavīnoj funkcionalitate i estetika. I kai Evija kūklej! Tū ir juodzierd!

Ondrupinīši vīni nu pyrmūs Latgolā saprota vītejūs tradicionalūs iedīņu nūzeimi, suoce itūs iedīņus pīduovuot turistim nu tyvom i tuolom zemem. Par itū pīredzi raidejumā stuosta Lilita Šatilova i Skaidrīte Pauliņa.

Miļzeigu dorbu bejušuos muižys sakuortuošonā īguļdejuši Andris i Lolita Beitāni. Jī pastuosta ari par ondrupinīšu roksturu, ituos pusis prīškrūceibom.

Raidejums taps ar NEPLP finansialu atbolstu.

Roksta saturs ir apmoksuots.