Filma “Piļsāta pi upis” sajam četrus Lelūs Kristapus

Filma “Piļsāta pi upis” sajam četrus Lelūs Kristapus

Roksta autors: portals lakuga.lv

Režisora Vīstura Kairiša latgaliski uzjimtuo lente “Piļsāta pi upis” sajāmuse četrys Nacionaluos kino bolvys “Lielais Kristaps” statuetis.

Nacionalū kino bolvu “Lielais Kristaps” sajēme Dāvis Suharevskis par lobuokū akterdorbu pyrmuo plana lūmā, jam itei ir pyrmuo kinolūma, čehu aktrise Brigita Cmuntova par lobuokū akterdorbu ūtruo plana lūmā, Ludvīks Bohadlo i Roberts Slezaks par lobuokū skaņu režeju, kai ari Vīsturs Kairišs par lobuokū scenareju.

Filmu var nūsavērt zamuok asūšajā saitē.

Filma “Piļsāta pi upis” veiduota latgalīšu volūdā, i juos pamatā ir attīceibu stuosts, meilys treisstyurs, iz paguojušuo godu symta 30.–40. godu viesturiskūs nūtykumu puormaiņu fona. Dailmaļavuotuoja Aņša īcarātuo ir ebreju meitine Zisla, tok mārgys tāvs līk jūs mīlesteibai škieršļus. Saīt tai, ka itymā laikā Aņša dzeivē pasaruoda šmukuo latvīte Naida. Storp treis varom, kas sabrodoj Aņša piļsātu, divom sīvītem, kurys plūsa juo sirdi, īspiejama tikai vīna izvēle.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]