Skotuvis runys konkursa “Vuolyudzāni” laureati

Skotuvis runys konkursa “Vuolyudzāni” laureati

Roksta autors: Veronika Dundure

LVLKSA jau 21. reizi ar Rēzeknis nūvoda pošvaļdeibys atbolstu š.g. novembrī organizēja skotuvis runys konkursu “Vuolyudzāni”. Tai kai kluotīnē konkurss navarēja nūtikt, školāni ar sovim školuotuojim i vacuokim īsyuteja izavālātūs daildorbu videoīrokstu.

Konkursā pīsadaleja 24 vuolyudzāni nu 17 školom. Pyrmū godu konkurss nūtyka, viertejūt īrunuotū daiļdorbu fragmentu videoīrokstu.
Jūs viertēja dzejneica Anna Rancāne i Rēzeknis Tautys teātra režisore Māra Zaļaiskalns.


Rezultati:
1.vīta
1.- 4.kl. – Elīnai Peipiņai, Rēzeknis 5. v-šk., šk. Aelita Andrejeva
5.- 9.kl.– Kasparam Vistopolam, Tukuma E. Birznieka-Upīša p.-šk.. šk. Tamāra Balode
10.-12.kl. – Ralfam Bilinskim, Rēzeknis Vaļsts gimn., šk. Irēna Prikule

2.vīta
1.- 4.kl. – Irbei Bārbalai Kārkliņai, Rēzeknes suokumškola, Meldra Gailāne; Helēnai Slišānei, Baļtinovys v-šk., Irēna Kaša
5.- 9.kl. – Reinim Pastaram, Solys p-šk., Irēna Pastare; Klaudijai Dembovskai, Rēzeknis Katuoļu v-šk., Inese Višķere
10.-12.kl. – Maksimam Pavlovam, Ludzys piļsātys gimn., Vanda Žulina

3.vīta
1.- 4.kl. – Artūram Ozoliņam, Kruoslovys Vaļsts gimn., Ināra Krute; Kristiānam Dzalbam, Kruoslovys Vaļsts gimn., Valentīna Geka
5.- 9.kl. – Gunitai Vjaksei, Rībeņu v-šk., Diāna Bravacka
10.- 12.kl. – Šarlotei Lorijai Naglei, Kuorsovys v-šk., Anita Lele; Agrim Pastaram, J. Egleiša Preiļu Vaļsts gimn., Silvija Kivko

Dzejneica i pastuoveiguo vierteituoja Anna Rancāne pastuosteja:
“Itys gods vuolyudzānim beja puorbaudejumu gods, tok bārni tū izturieja gūdam, kamerys prīškā beja breivi i nasasaisteiti, varbyut pat jutuos breivuok, nakai publikys prīškā. Prīcej konkursantu lobuo volūdys izjiuta, naatkareigi nu tuo, voi jī tū ir apgivušs sātā voi školā fakultativi.

Itūgod konkursa autors beja Ontons Kūkojs, kaut ari juo dzejūli dažam beja cīts rīksts, tūmār labi, ka tys lyka īzapazeit ar lobu dzeju. Saleidzynuojumā ar puorejīm godim, uzalobuojuse repertuara izvēle, tikai dažim konkursantim beja juolosa vysai vuoji voi napīmāruoti teksti (pusauga zānam juorunoj prozys teksts nu sīvītis skotu punkta, kas beja kuriozi), bet par tū jau ir juodūmoj školuotuojim.

Latgalīšu literatura nastuov iz vītys, tūp jauni, ari bārnim i jaunīšim pīmāruoti teksti (Ineta Atpile-Jugane, Lienīte Slišāne, Egita Kancāne, Valentins Lukaševičs i.c.). Varbyut ir nūlykumā juonūsoka tys, ka vīnam dorbam juobuyt nu klasikys, ūtram – modernuo literatura! Lobs puorsteigums beja Kaspara prīšknasums – jis nasamuoca Latgolā, bet juo latgalīšu volūda, atraktivitāte un teksta puorzynuošona pīsaisteja. Lai tys byutu pamudynuojums cytugod, kluotīnē voi ar video storpnīceibu konkursā īsaisteit bārnus nu vysim Latvejis nūvodim, jo vysur dzeivoj vuolyudzāni!”

Asom pateiceigi Rēzeknis nūvoda pošvaļdeibai par finansialū atbolstu, dzejneicai Annai Rancānei i Rēzeknis Tautys teātra režisorei Mārai Zaļaiskalns par vuolyudzānu vierteišonu.

Cerēsim, ka nuokušuo goda aprelī jau varēsim tiktīs skotuvis runys konkursā “Vuolydzāni” i 20. vaļsts atkluotajā latgalīšu rokstu volūdys i kulturviesturis olimpiadē kluotīnī.

Gaišus Zīmyssvātkus i radūšu Jaunū godu!

Print Friendly, PDF & Email

Nūtikšonu kalendars

Apr
14
Tre
12:00 Gundegys Rancānis gleznu izstuod... @ Latgolys Kulturviesturis muzejs
Gundegys Rancānis gleznu izstuod... @ Latgolys Kulturviesturis muzejs
Apr 14 @ 12:00 – May 8 @ 18:00
Gundegys Rancānis gleznu izstuode "Klātesot" @ Latgolys Kulturviesturis muzejs
Nu 14. apreļa da 8. maja Latgolys Kulturviesturis muzeja lūgu vitrinuos ir īspieja apsavērt muokslineicys Gundegys Rancānis gleznu izstuodi “Klātesot”. Karteņa: rezekne.lv