Latgalīšu Reps izdūd ūtrū albumu “Cyta Dzela”

Latgalīšu Reps izdūd ūtrū albumu “Cyta Dzela”

Rokstu sagataveja: portals lakuga.lv

Latgalīšu hiphopa grupa “Latgalīšu Reps” ituo gods 19. martā izdavuse ūtrū studejis albumu ar nūsaukumu “Cyta Dzela”, tymā apkūpuotys 13 jaunys dzīsmis.

Nūsaukums “Cyta dzela” apzeimej grupys redziejumu – “Īmam sūli augšuok lobuokā kvalitatē i izpiļdejumā. Nikod nazynim, kas myus dzeivē sagaida, bet cikom nu gaisa nakreit akmini, dzeivē vyss ir kuorteibā, īmam iz prīšku, nasaverūt iz tū, ci myusim ir pasaveics ci nā.”

Nasaverūt iz tū, ka muokslinīki beja spīsti izmaineit grupys plānus i puorceļt pārnejā godā planavuotuo albuma izdūšonu iz itū godu, laiks, kod tyka sādāts sātā, beja izmontuots lītdereigai, uzlobojūt albuma skaniejumu i veidojūt jaunys dzīsmis.

Albumā “Cyta dzela” var dzierdēt vairuokus muzykys žanrus, kas savīnuoti ar tekstim gon latgaliski, gon ari latvyski. Didzis i Ivo dzīd i repoj gon par mīlesteibu pret saimi, gon ari dzymtajom sātom. Taipoš albumā var dzierdēt ari “Latgalīšu Repa” i grupys “Bez PVN” kūpdorbu – dzīsmi “Stuovi”. “Latgalīšu Reps” sasadorbuoja ari ar reperi Faktu i dzīduotuoju Sandu. 

Grupys puorstuovi ir puorlīcynuoti: “Kotrys “Cyta dzela” albuma klauseituojs varēs atrast sev pateikamu i dvēselei tyvu skaniejumu.”

Grupa “Latgalīšu Reps” muzykys pasaulī plotuok pazeistama palyka 2017. godā, kod caur sovu muzyku paruodeja eistū latgalīšu dobu i dzeivisprīku. Leidz šam grupai bejuši vairuoki veiksmeigi hiti, pīmāram, “Skots pa lūgu”,  “Es tycu”, “Atver durovys”, “Kūdra deg” i “Trešuo zvaigzne”, tok popularuokuo dzīsme, kas gondreiž voi palykuse par vosorys himnu, ir “Žārej gaļi”. Tai  vītnē “Youtube” ir vaira nikai 2,6  miljoni skatejumu, kaidu šaļti “Žārej gaļi” ari beja “Pieci.lv” latvīšu muzykys topa pyrmajā vītā.

Print Friendly, PDF & Email

Nūtikšonu kalendars

Feb
4
Sai
vysu dīnu TLMS “Dzīpariņš” 45 darbeibys go... @ Latgolys Kulturviesturis muzejs
TLMS “Dzīpariņš” 45 darbeibys go... @ Latgolys Kulturviesturis muzejs
Feb 4 vysu dīnu
Jaunū izstuožu godu Latgolys Kulturviesturis muzejs īsuoc kūpā ar ilggadejū i vysod atsauceigū sadarbeibys partneri – Tautys lītiškuos muokslys studeju “Dzīpariņš”. Tei nūdybynuota jau 1978. godā i apvīnoj sevī vysaidu paaudžu rūkdarbneicys, kurys saista kūpeiga[...]