Apvīneibai “Latgalīšu Reps” izguojs jauns videoklips “Cyta dzela”

Apvīneibai “Latgalīšu Reps” izguojs jauns videoklips “Cyta dzela”

Rokstu sagataveja: portals lakuga.lv

18. aprelī grupai “Latgalīšu Reps” izguojs videoklips dzīsmei “Cyta dzela”, kas ir īškā ari grupys ūtrajā albumā ar taidu pošu nūsaukumu.

Grupa viestej, ka gon albuma, gon ari dzīsmis nūsaukums ir “Cyta dzela” deļ tam, ka tīši itys skaņdorbs ir īdvesmuojs muokslinīkus vysu albuma tapšonys laiku.

“Dzīsme roduos spontani, izdzieržūt latiņu ritmu, izreiz pruotā īsasuove frāze “cyta dzela”, dzīsmis dūma tyka ryupeigai apstruoduota,” tai par dzīsmis rasšonūs stuosta grupys puorstuovi.

Dzīsmis “Cyta dzela” klipa idejis i scenareja autori ir poši grupys dalinīki – Ivo Grigalis i Didzis Kozlovs. Videoklips fiļmāts Guļbinis nūvoda Stāmerienys pilī. Video operators i montažys režisors ir Jānis Jēkabsons, muzykys video tapšonā pīsadaleja ari grupys draugi.

Video tyka nūfiļmāts jau 2020. gods 9. martā, pyrma grupys paradzātuo leluo koncerta Latgolys viestnīceibā GORS. Tai kai situaceja pasamaineja, albuma izlaisšona atsalyka, leidz ar tū ari video tyka palaists viņ niu.

“Vysam, kū dori, ir juodalīk spāks i energeja, kū mes ari izdarejom, rokstūt albumu i fiļmejūt itū klipu,” stuosta “Latgalīšu Reps”.

Grupa “Latgalīšu Reps” nūdūd viestejumu par tū, ka materialajā pasaulī var rast viņ eislaiceigu prīcu: “Kas vīglai atīt, tys dreizai nūīt! Ka mums izadūtu “nūraut jackpotu”, tod tī byutu svātki na tikai pošim, bet ari myusu saimei i draugim, tok atrast ilgtermeņa apmīrynuojumu i laimi naudā, grezneibā i izprīcuos nav īspiejams. Laimeigais loterejis belets ir veiksmis stuosts, par kū sapņoj daudzi, tok dzeive ir viļteiga – kur tei dūd, tī tei ari pajem sev.”

Jau mieness apleik, kai “Latgalīšu Reps” izdevs ūtrū studejis albumu “Cyta dzela”. Vaira par albumu “Cyta dzela” skaiti ITE.

Print Friendly, PDF & Email

Nūtikšonu kalendars

Feb
4
Sai
vysu dīnu TLMS “Dzīpariņš” 45 darbeibys go... @ Latgolys Kulturviesturis muzejs
TLMS “Dzīpariņš” 45 darbeibys go... @ Latgolys Kulturviesturis muzejs
Feb 4 vysu dīnu
Jaunū izstuožu godu Latgolys Kulturviesturis muzejs īsuoc kūpā ar ilggadejū i vysod atsauceigū sadarbeibys partneri – Tautys lītiškuos muokslys studeju “Dzīpariņš”. Tei nūdybynuota jau 1978. godā i apvīnoj sevī vysaidu paaudžu rūkdarbneicys, kurys saista kūpeiga[...]