Dzīsme “Dzīdet, meitas, puļcinie” pīsadola aptaujā “Latvijas Sirdsdziesma”

Dzīsme “Dzīdet, meitas, puļcinie” pīsadola aptaujā “Latvijas Sirdsdziesma”

Rokstu sagataveja: portals lakuga.lv

Pārnejuo gods novembrī folklorys kūpa “Upīte” izlaide albumu “Padzīdam i…”. Tymā ir 17 veiru dzīsmis, četrom nu tūs kūpa jau ir izlaiduse videoklipus. Jaunuokais nu vysu – videoklips dzīsmei “Dzīdet, meitas, puļcinie” itūgod pīsadola ari Latvejis skateituoju aptaujā par meiluokū dzīsmi “Latvijas Sirdsdziesma 2020/2021”.

Dzīsmis pamatā ir tautysdzīsme, kurai Kate i Domeniks Slišāni sataisejuši aranžeju. Dzīsmis īrokstā pīsadaleja ari grupa “Unknown Artist”, kai ari grupys “Bez PVN” dalinīks Guntis Rasims.

“Kai jau kotra veiru dzīsme, tai ari itei ir par mīlesteibu. Ka īsadzilinoj, dzīsme ir par jaunu puisi, kam ir zyrgs, pateik dzīduot i pateik meitinis, deļtam jis brauc pi meitinem i pīduovoj, lai juos dzīd i jū jam paleigā,” stuosta FK “Upīte” dalinīks Domeniks Slišāns.

Izaruoda, ka FK “Upīte jau pārnejā godā gribēja pīsadaleit aptaujā ar dzīsmi “Lai zaļoj jauneiba”, bet ‘Covid-19’ izjauce planavuotū. “Itūgod uzfilmējom klipu i saprotom, ka mums ir rikteiga sirdsdzīsme, deļ tam pīsadalejom. “Unknown Artist” soka – “hardšlāger” kai radeits itai aptaujai,” atzeist Domeniks.

FK “Upīte” ir jau ari plāni iz prīšku. “Cerams, ka leidz vosorys svātkim taps jau pīktais klips myusu veiru dzīšmu diskam. Vēļ atliks 12 klipi i vysys dzīsmis byus apsaveramys “YouTube”,” cereigi stuosta Domeniks. Taipoš FK “Upīte” gatavejās Eiropys koncerttūrei. “Aktīvi nūbrīstam vakcinai, lai drūsai ceļuotu i īprīcynuotu pasauli,” skaidroj FK “Upīte” dalinīks. Kai ari augustā folklorys kūpa planavoj sareikuot Storptautyskū foklkorys deju festivalu “Lipa kust 3”, bet septembrī – svieteit Meilys aiļu i dzīšmu festivala “Upītes Uobeļduorzs” 20 godu jubileju.

Leidz ituo gods 24. apreļa 00.01. stuņdem par FK “Upīte” i “Unknown Artist” dzīsmi “Dzīdet, meitas, puļcinie” nūbolsuot var ITE.

Taipoš “Latvijas Sirdsdziesma” pīsadola ari grupa “Baltie lāči” ar dzīsmi “Lakstīgalu muzikants”. Dzīsmei par pamatu jimti dzejneicys Bronislavys Martuževys vuordi.

Print Friendly, PDF & Email

Kalenders

Apr
18
Cat
12:00 Latgolys dīna @ Vacsalīnys muižys piļs
Latgolys dīna @ Vacsalīnys muižys piļs
Apr 18 @ 12:00 – 14:00
Latgolys dīna @ Vacsalīnys muižys piļs
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]