Rokstu sagataveja: portals lakuga.lv

Saskaņā ar Vaļsts prezidenta Egila Levita i Ordiņu kapitula 2021. gods 20. apreļa lāmumu par eipašim nūpalnim Latvejis vaļsts lobā 63 personeibom pīškierts Treju Zvaigžņu ordiņs, 16 personeibom – Viestura ordiņs i 39 personeibom – Atzineibys krysts, viestej Vaļsts prezidenta sātyslopa.

Par Treju Zvaigžņu ordiņa viersnīkim īcalti bejušuo Latvejis Radejis žurnaliste i Augstuokuos Padūmis Presis centra vadeituoja vītneica Antainna Buša (Anta Buša) i operdzīduotuojs, Latvejis Nacionaluos operys solists, Jāzepa Vītola Latvejis Muzykys akademejis Vokaluos katedrys docents Krišjānis Norvelis.

Par Treju Zvaigžņu ordiņa kavaleri īcalta Rēzeknis Vaļsts pūļu gimnazejis pūļu volūdys školuotuoja Elžbeta Beneviča (Elżbieta Bieniewicz).

Par Viestura ordiņa komanderi īcalts Vaļsts guņsdzieseibys i gluobšonys dīnasta Latgolys regiona brigadis komanders, pulkveds Česlavs Šmuksts.

Par Atzineibys krysta komanderi īcalti Rēzeknis specialuos ekonomiskuos zonys SIA “Verems” vaļdis prīšksādātuoja Zinaīda Lovnika, Rēzeknis 6. vydsškolys direktore Raisa Meiere, Baļtinovys vydsškolys direktors Imants Slišāns, Daugovpiļs Universitatis Humanitaruos fakultatis dekāne, Rusistikys i slavistikys katedrys profesore Dr. philol. Elīna Vasiļjeva.

Par Atzineibys krysta viersneicu īcalta Latvejis Pošvaļdeibu savīneibys padūmneica izgleiteibys i kulturys vaicuojumūs Dr. sc. admin. Ināra Dundure i Baļtinovys Muzykys i muokslys školys vizuali plastiskuos muokslys školuotuoja, audieja, tekstilmuokslineica Iveta Gabrāne.