Aicynoj dasaceit pretendentus Tradicionaluos kulturys izcileibys bolvai

Aicynoj dasaceit pretendentus Tradicionaluos kulturys izcileibys bolvai

Rokstu sagataveja: portals lakuga.lv

Leidz 2021. gods 9. juļam Latvejis Nacionalais kulturys centrs (LNKC) aicynoj dasaceit Tradicionaluos kulturys izcileibys bolvai tautys lītiškuos muokslys nūzaris puorstuovus, personeibys voi tautys lītiškuos muokslys studejis, viestej informaceja LNKC sātyslopā.

Tradicionaluos kulturys izcileibys bolva ir apbolvuojums tradicionaluos kulturys nūzaris puorstuovim voi muokslinīciskajim kolektivim par seviškim nūpalnim i byutisku īguļdejumu nūvoda voi piļsātys kulturvidis veiduošonā i uzturiešonā. Par seviškim nūpalnim voi byutisku īguļdejumu var skaiteit gon izcylu dorbu, gon ilgstūšu, prīškzeimeigu i panuokumim boguotu darbeibu.

Tradicionaluos kulturys izcileibys bolvu lītiškajā muokslā padūd reizi treis godūs kotrā nūzarē – folklorys kūpai voi etnografiskajam ansambļam, tautys muzykys grupai voi lītiškuos muokslys studejai. Izcileibys bolvu individualai izcileibai padūd reizi myužā, muokslinīciskajam kolektivam vīnu reizi tuo darbeibys laikā. Itūgod bolva teik daškierta tautys lītiškuos muokslys nūzaris puorstuovam.

Bolvys padūšonys nūtikšona plānuota 2021. gods 4. septembrī pasuokuma “Satiec savu meistaru” laikā. Leidz ar epidemiologiskuos situacejis izmaiņom, bolvys padūšonys datums i formats var maineitīs.

Tradicionaluos kulturys izcileibys bolvys laureats sajam Gūda diplomu i naudys bolvu 1300 eiro apjūmā pyrms nūdūkļu nūmoksys. Informaceja par dasacejumu īsniegšonu daīmama ITE.

Print Friendly, PDF & Email

Kalenders

Mar
2
Sai
18:00 Latgalīšu kulturys goda bolva “B... @ Latgolys viestnīceiba "Gors"
Latgalīšu kulturys goda bolva “B... @ Latgolys viestnīceiba "Gors"
Mar 2 @ 18:00 – 20:30
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]
21:15 Latgalīšu kulturys goda bolva “B... @ LTV1
Latgalīšu kulturys goda bolva “B... @ LTV1
Mar 2 @ 21:15 – 23:15
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]