Pīduovuoj pīsadaleit Latgolys apceļuošonys akcejā

Pīduovuoj pīsadaleit Latgolys apceļuošonys akcejā

Roksta autors: portals lakuga.lv

Latgolys Turisma asociaceja aicynoj tūs, kas vosoru grib pavadeit izpietejūt Latgolu, pīsadaleit Latgolys apceļuošonys akcejā – biļdis nu ceļuojumu likt socialajūs teiklūs, kluot dalikt #VasalsLatgalē2021 i pīsadaleit vairuoku bolvu izlūzē.

Jau ūtru godu Latgolys Turisma asociaceja turpynoj eistynuot marketinga projektu ar mierki popularizēt lauku turismu. Projekta gaitā eistynuotys vairuokys aktivitatis, kas ir svareigys, kab sabīdreibā nūsastyprynuotu Latgola kai vīnuota golamierķa zeimyns, tymā skaitā jauna vizualuo identitate i darbeibys strategeja, popularizejūši video, “Facebook” i “Instagram” kontu aktiva uzturiešona, sātys lopys pylnveide, niu ari izdūts jauns turisma ceļveds.

Karteņa: Latgolys Turisma asociaceja

“Ideja par Latgolys apceļuošonys akceju topa jau vysai seņ, radzūt, ka vysleluokū auditorejis atbolstu “Instagram” giust taišni tī roksti, kur cyti cylvāki doluos ar sovom sajiutom i emocejom par Latgolys apceļuošonu. Taipoš napaseņ tyka veikta tīšsaistis aptauja, kurys mierkis beja saprast, kai nalatgalīši planavoj sovus ceļuojumus iz Latgolu. Aptaujis rezultati paruodeja, ka cylvāki cīši īsatekmej nu cytu cylvāku realuos pīredzis. 

Karteņa: Latgolys Turisma asociaceja

Leidz ar tū topa akceja, kurys nūteikumi ir cīši vinkuorši – apceļoj Latgolu, dolīs ar sovim īspaidim i, īspiejams, ari sajem kaidu breineigu bolvu. Niu ari sataiseita tīšsaistis karte, kas tiks regulari papyldynuota ar Latgolys kulturvītom, kas piec īrūbežuojumu atceļšonys atsuokušys dorbu,” soka Latgolys Turisma asociacejis puorstuove Laura Spundere. Karti var apsavērt ITE.

Itūgod Latgolys Turisma asociaceja aicynoj byut drūsmeigim i dūtīs apcīmuot na viņ leluos Latgolys piļsātys, bet ari pīrūbežys cīmateņus i mozuos lauku piļsātys, taidā veidā atbolstūt vītejū cylvāku dorbuošonūs.

Print Friendly, PDF & Email

Nūtikšonu kalendars

Jun
19
Sai
09:00 Lielais latgaļu tirgus Ludzā @ Ludza
Lielais latgaļu tirgus Ludzā @ Ludza
Jun 19 @ 09:00 – 14:00
Lielais latgaļu tirgus Ludzā @ Ludza
19. junī nu 9.00 leidz 14.00 stuņdem Ludzys vacpiļsātā byus Lelais latgaļu tiergs.  Vaira informacejis par tiergu ITE.   
Jun
26
Sai
17:00 Literaruos sarunys ar Aldi Bukšu... @ Lūznavys muiža
Literaruos sarunys ar Aldi Bukšu... @ Lūznavys muiža
Jun 26 @ 17:00
Literaruos sarunys ar Aldi Bukšu Lūznavys muižā @ Lūznavys muiža
Eisi piec Juoņu i Leigū svātku – 26. junī 17.00 stuņdēs Lūznavys muižā byus sarunu cikla “Literārās sarunas Lūznavas muižā” 2020./2021. goda sezonys nūslādzūšais pasuokums – sarunys ar romanu “Parādu piedzinēji” i “Bruoli” autoru Aldi[...]
Jun
27
Svā
20:00 Māra Čačkys personalizstuode “Kl... @ Daugovpiļs Nūvodpietnīceibys i muokslys muzejs
Māra Čačkys personalizstuode “Kl... @ Daugovpiļs Nūvodpietnīceibys i muokslys muzejs
Jun 27 @ 20:00
Māra Čačkys personalizstuode "Klātienes dialogi" Daugovpilī @ Daugovpiļs Nūvodpietnīceibys i muokslys muzejs
Nu 7. leidz 27 juņam Daugovpiļs Nūvodpietnīceibys i muokslys muzejā var apsavērt muokslinīka Māra Čačkys lelformata dorbu personaliztuodi “Klātienes dialogi”. Izstuode īzeimej sasatikšonu jeb īspieju otkol apmeklēt muzejus i izstuodis kluotīnē, publiski sasatikt ar Māra[...]
Jul
4
Svā
20:00 Tematiskuo izstuode “Politiķei, ... @ Latgolys Kulturviesturis muzejs
Tematiskuo izstuode “Politiķei, ... @ Latgolys Kulturviesturis muzejs
Jul 4 @ 20:00
Tematiskuo izstuode "Politiķei, pedagoģei un sabiedriskajai darbiniecei V. Seilei 130" @ Latgolys Kulturviesturis muzejs
Atzeimejūt pedagogis, politikis i sabīdryskuos darbinīcis Valerejis Seilis (1891-1970) 130 jubileju, nu 15. maja da 4. juļa Latgolys Kulturviesturis muzejā varēs apskateit tematiskū izstuodi par gūdu V. Seilei, kai ari īsapazeit ar juos davumu i[...]
Jul
16
Pīk
20:00 Dasasaceišona vosorys kursim “Vo... @ Tīšsaistē
Dasasaceišona vosorys kursim “Vo... @ Tīšsaistē
Jul 16 @ 20:00
Dasasaceišona vosorys kursim "Vosoruošona 2021" @ Tīšsaistē
Nu 8. da 14. augusta Rēzeknis nūvoda Rogovkā nūtiks latgalīšu volūdys i kulturys vosorys kursi “Vosoruošona – 2021”. Tymūs aicynuoti dasadaleit školuotuoji nu vysys Latvejis, kas školuos vuica ci tyvuokajā laikā planavoj vuiceit latgalīšu rokstu[...]