“Muosys” izlaiž jaunu dzīsmi “Gūteņ, muna raibaleite”

“Muosys” izlaiž jaunu dzīsmi “Gūteņ, muna raibaleite”

Roksta autors: portals lakuga.lv

Muzykalū projektu “Muosys” veidoj treis muosys – Laima Maslova, Liene Brence i Marta Igaune. Leluoku atpazeistameibu “Muosys” dabuoja 2016. godā koncertā “Vysi zīdi pļaveņā”, tok niu klauseituojim pīduovoj jaunu dzīsmi “Gūteņ, muna raibaleite”.

Kai stuosta “Muosu” puorstuove Liene Brence, dzīsme topa syltā vosorys dīnā, kod saule rītūt īkruosuoja dabasus vysaidūs tūņūs. Liene revēja puču dūbi i suoce dunguot melodeju tīpat gūteņai ganeibuos.

Dzīsmis pamatam jimti latvīšu tautysdzīsmis vuordi, muzyku veiduojuse Liene Brence, kurei ari īdzīd “Gūteņ, muna raibaleite” i īrokstā spēlej ari vejūli. Marta Igaune dasadola ar mandolinys spieliejumu, tok Laimu Maslovu var dzierdēt spielejam melodiku i bungys.

2020. goda februarī portals lakuga.lv skaiteituojus īpazeistynuoja ar pyrmū izdūtū “Muosu” dzīsmi “Zynu, zynu tāva sātu”. Jau tod “Muosys” stuosteja, ka tuoļuok planavoj izdūt jaunus skaņdorbus.

Dreiž peic tam “Muosys” tyka paaicynuotys spēlēt solo koncertu Latgolys viestnīceibā GORS, leidz ar tū topa vēļ daudz jaundorbu, nu kurūs vīns ir “Gūteņ, muna raibaleite”. Dzīsme ir īraksteita i palaista tautuos pyrma Juoņu kai vosorys nūskaņu melodeja

Iz prīšku “Muosys” planavoj īraksteit vēļ cytus skaņdorbus, lai varātu īprīcynuot klauseituojus.

Print Friendly, PDF & Email

Nūtikšonu kalendars

Feb
4
Sai
vysu dīnu TLMS “Dzīpariņš” 45 darbeibys go... @ Latgolys Kulturviesturis muzejs
TLMS “Dzīpariņš” 45 darbeibys go... @ Latgolys Kulturviesturis muzejs
Feb 4 vysu dīnu
Jaunū izstuožu godu Latgolys Kulturviesturis muzejs īsuoc kūpā ar ilggadejū i vysod atsauceigū sadarbeibys partneri – Tautys lītiškuos muokslys studeju “Dzīpariņš”. Tei nūdybynuota jau 1978. godā i apvīnoj sevī vysaidu paaudžu rūkdarbneicys, kurys saista kūpeiga[...]