“Auļu” jaunajā albumā izskaņ ļusteiguo “Kōrklu polka”

“Auļu” jaunajā albumā izskaņ ļusteiguo “Kōrklu polka”

Rokstu sagataveja: portals lakuga.lv

Pyrms kaida laika bungu i kuliņu grupa “Auļi” izdeve jaunu albumu “Visapkārt”. Tymā ir 12 instrumentalys kompozicejis, tūs skaitā vīna ari ar nūsaukumu latgaliski – “Kōrklu polka”.

Muzyku skaņdrobim komponiejuši grupys dalinīki – Kaspars Bārbals, Edgars Kārklis i Mārtiņš Milevskis.

Vīna nu albumā īkļautūs skaņdorbu nūsaukums atrūnams ari latgaliski – tei ir “Kuorklu poļka” (“Kōrklu polka”). Tū ir komponiejs Edgars Kārklis, kura saknis ir nu Leivuona. Par skaņdorbu Edgars soka tai: “Maņ beja tys gūds komponēt četrys dzīsmis, nu kurūs vīna ir “Kōrklu polka”, gribējuos kū ļusteigu i doncojamu, kai latgalīšu jautruos tautysdzīsmis. Tai ari roduos “Kōrklu polka”. Edgars stuosta, ka nūsaukumā gribiejs atstuot sovus iniciaļus i latgaliski – “ruodejuos, ka muns plans ar ļusteigu latgalīšu melodeju gona labi izadevs”.

Niu izguojs ari videoklips dzīsmei “Kōrklu polka”, pi tuo struoduojuši Gatis Indrēvics, Kaspars Bārbals i ari dzīsmis muzykys autors Edgars Kārklis.

Ar kotru albumu “Auļi” rauga puorsteigt – voi sadarbeibuos, voi idejis plotumā, bet itūreiz tys ir albuma skanis īroksta rysynuojums – izmontuotys vysys “Dolby Atmos” tehnologejis īspiejis, kurys ļaun skaņu baudeit sev vysapleik, leidz ar tū skaņā var saklauseit vyssmolkuokuos aranžejumu niansis.

Bungu i kuliņu muzykys grupa “Auļi” dybynuota 2003. godā, kab aktivi kūptu i atteisteitu kuliņu i bungu muzyku Latvejā. Grupa ir pazeistama kai Latvejā, tai uorvaļstīs, bet jaunais albums “Visapkārt” ir grupys ostoitais studejis albums.

Print Friendly, PDF & Email

Nūtikšonu kalendars

Jul
24
Sai
20:00 Rībeņu jaunīšu centra atkluošona... @ Rībeņu jaunīšu centrs "Pakāpieni"
Rībeņu jaunīšu centra atkluošona... @ Rībeņu jaunīšu centrs "Pakāpieni"
Jul 24 @ 20:00 – 21:30
Rībeņu jaunīšu centra atkluošona kūpā ar grupu "Dabasu durovys" @ Rībeņu jaunīšu centrs "Pakāpieni"
24. julī nu 20.00 leidz 21.30 Rībeņu jaunīšu centrā byus breivdobys gostu ustobys atkluošona i muzykaluo pastaiga kūpā ar grupu “Dabasu durovys”. 
Jul
25
Svā
09:00 Annys dīna Bieržgalī @ Bieržgalis pogosta kulturys noms
Annys dīna Bieržgalī @ Bieržgalis pogosta kulturys noms
Jul 25 @ 09:00 – 13:00
Bieržgalī Annys dīnu svieteis ar tiergu, V. Grappys zeimiejumu izstuodi “Rēzeknes novada sakrālais mantojums” bazneicys duorzā voi pi kulturys noma, kai ari ar misi bazneicā. Pi kulturys noma byus ari vysaidys radūšuos aktivitatis. 
Jul
26
Pyr
vysu dīnu Annys dīna Nagļūs @ Nagļi, pļaveņa pi lapenis
Annys dīna Nagļūs @ Nagļi, pļaveņa pi lapenis
Jul 26 vysu dīnu
Annys dīnu Nagļūs svieteis ar pogosta saiminīču peiragu izstuodi, rūkdorbu klubeņa “Rītava” darynuojumu izstuodi i folklorys kūpys “Skreine” muzykalu sveicīni vysom Annom i saiminīcem. 
12:00 Jaunuo Latgolys kongresa satura ... @ Varakļuoni, Borhu piļs
Jaunuo Latgolys kongresa satura ... @ Varakļuoni, Borhu piļs
Jul 26 @ 12:00
Jaunuo Latgolys kongresa satura koncepcejis prezentaceja @ Varakļuoni, Borhu piļs
Pyrmūdiņ, 26. julī, 12.00 stuņdēs Varakļuonūs (Borhu pilī) prezeņtēs jaunū Latgolys kongresa satura konceptu i planus iz prīšku. Taipat byus vareiba īsapazeit ar padareitū, styprynojūt latgaliskuos vierteibys Latvejis kulturys i izgleiteibys telpā pādejūs četru godu[...]
Jul
31
Sai
11:30 Veloceļuojums “Rainim pa pēdām” @ Raiņa muzejs "Jasmuiža"
Veloceļuojums “Rainim pa pēdām” @ Raiņa muzejs "Jasmuiža"
Jul 31 @ 11:30
Veloceļuojums "Rainim pa pēdām" @ Raiņa muzejs "Jasmuiža"
Raiņa muzejs “Jasmuiža”, Preiļu nūvoda Turisma informacejis centrs i Aizkaļnis Tautys noms 31. julī 11.30 stuņdēs aicynoj dūtīs veloceļuojumā “Rainim pa pēdām”. Ceļuojums ir aptuveni 25 kilometru garumā, tuo laikā byus vareiba īpazeit 11 ar[...]