Kulturys īsacejumi nedeļai: apmeklej Teirumnīkus i pagastej Ludzā

Kulturys īsacejumi nedeļai: apmeklej Teirumnīkus i pagastej Ludzā

Rokstu sagataveja: portals lakuga.lv

Ituos nedelis īsacejumus saguoduojs latgalīšu kulturtelpā pazeistams jauns cylvāks –  Vīstura Kairiša kinys “Piļsāta pi upis” Aņša lūmys atveiduotuojs i lakuga.lv “Kulturys viests” vadeituojs Dāvis Suharevskis. Jis īsoka tyvuok apbraukuot i apcīmuot Ludzu i Teirumnīku pūra stygu Rēzeknis nūvoda Nagļu pogostā.

Teirumnīku pūra azars i styga

Par jū Dāvis soka: “Vosorys korstums vylynuot vylynoj nūsamauduot, vīna naaizmierstama vīta var byut Teirumnīku pūra azars, kura iudiņs, dabeigi izasyucs car pyura sfagnim, palīk meiksts i uodai cīši teikams. Azaram apleik iztaiseita laipa, kas izvad car pūru i piečuok vad car mežu atpakaļ iz suokumu. Saīt vasala pastaiga car divim Latvejai rakstureigim i nūzeimeigim biotopim.” Dāvis stuosta, ka Teirumnīku pūra laipa atsarūn natuoli nu Latvejis leluokuo azara – Lubuona, kuru nūteikti var pagiut apsavieršonai, tok pīdzeivuojums pavysam cytaižuoks.

Karteņa: Teirumnīku pūra styga pavasarī, foto Edeite Husare

Ludzys Amatnīku centrs

 “Amatnīki var tev īvuiceit keramikys, kūkapstruodis, aušonys i vēļ vysaidu senejūs omotu zynuošonys i pamatus, lai tuoļuok rūku varātu pīšaut pats nu sova loba pruota,” stuosta Dāvis. “Kas īvuiceits, tys iz mugurys nav juonosoj.”

Karteņa: Ludzys amatnīku centrs, lakuga.lv arhivs

Ludzys Leluo sinagoga

Sovutīs te var izzynuot Latgolys viesturi i redzēt Latvejā arhitekturys goda bolvu īgivušus restauracejis dorbus. “Sinagoga restaurāta juos senejūs dīnu glaznainumā i ekspozicejā īspiejams izgleituot sevi par Latvejis un Latgolys viesturis faktim, kurus kasdīnā škatynuot aizamierst aba nasagrib,” nūbeidz Dāvis.

Karteņa: Ludzys Leluo sinagoga, lakuga.lv arhivs

Print Friendly, PDF & Email

Kalenders

May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]