VI Latgolys stuostnīku festivals “Omotu stuosti” veļteits stykla pyutiejim

VI Latgolys stuostnīku festivals “Omotu stuosti” veļteits stykla pyutiejim

Rokstu sagataveja: portals lakuga.lv

Vosorys izskaņā, 20.–21. augustā, Leivuonā aicynoj stuostnīkus nu vysys Latvejis iz VI Latgolys stuostnīku festivalu “Omotu stuosti”. Itūgod gūdā tyks calts stykla pyutieja omots, informej Latgolys stuostnīku festivalu kusteibys aizsuocieja Vilhelmīne Jakimova.

Vīns nu ituo festivala aizdavumu ir veiduot atpazeistamu i radūšu platformu Latgolys amatnīceibys izzynuošonai i populariziešonai. Īprīškejūs festivalūs tyka īpazeiti pūdnīka, kuozu saimineicys, dravinīka, kliudzeņu pinieja i audieja omoti. Ituo gods tēma veļteita stykla pyutiejim, tiks stuosteits par itū omotu, juo pratiejim, tiks paruodeits stykla pyušonys process, i varēs puorsalīcynuot, kū spiej radeit amatnīka rūkys.

Pyrmuo festivala dīna tiks īsuokta ar Leivuona īpazeišonys ekskurseju “Līvānu tematisko soliņu stāsti”. Tod pi Leivuona nūvoda kulturys centra (KC) nūtiks festivala atkluošona. Stuostnīku festivala daleibnīki varēs pīsadaleit Mārys Mellēnys vadeitajā nūdarbeibā “Nemateriālais kultūras mantojums un personiskās pieredzes stāsti”. Te aicynuoti pīsadaleit ari cyti interesenti, īprīšk dasasokūt Leivuonu nūvoda KC sakarā ar Covid-19 drūšeibys nūsacejumu īvāruošonu.

Vokora pusē pi Leivuona nūvoda centraluos bibliotekys nūtiks Lelais stuostu vokors “Nepūt pīlītes…” Vokora nūslāgumā – “Stāstu groziņvakars” ar folklorys kūpu “Turki”.

Festivala ūtruos dīnys aktivitatis paradzātys Leivuona stykla i amatnīceibys centrā. Mozajim klauseituojim byus Spūku stuostu stuņde ar Gunti Pakalnu.

Festivala dalinīki varēs īsapazeit ar Leivuona stykla muzeja ekspoziceju. Iz radūšajom nūdarbeibom “Ne tikai stikla pūtēji…” aicynuos pyušamūs instrumentu izgataveituojs Aleksandrs Maijers. Festivala dalinīki īsaklauseis stykla pyutieju stuostūs i vāruos stykla pyušonys procesu. Piecpušdīnē jī gasteis Ingys Salminis stykla laidynuošonys darbneicā Uzjiemiejdarbeibys atbolsta centrā, byus īspieja pīsadaleit meistarklasē.

Iz festivalu teik aicynuoti vysu Latvejis kulturviesturiskūs nūvodu stuostnīki, UNESCO Latvejis  Nacionaluos komisejis teikla “Stāstu bibliotēku” puorstuovi, kai ari vītejuos folklorys kūpys, stuostnīku kusteibys atbaļsteituoji i interesenti. Jamūt vārā epidemiologiskū situaceju vaļstī, festivalā byus īspieja pīsadaleit viņ vakcinātim ci puorslymuojušim daleibnīkim, paruodūt dereigu Covid-19 sertifikatu kūpā ar personu aplīcynūšu dokumentu. Taipat festivalā var pīsadaleit ari tuos personys, kurys 72 stuņdis pyrms īsarasšonys festivalā ir veikušys Covid-19 testu, i jis ir nagativs.

Iz festivala atkluotajim pasuokumim, kas ir bez moksys, aicynuots sevkurs interesents, viņ īprīšk registrejūtīs Leivuona nūvoda KC. Sekmeigai festivala nūtikšonai vajadzeiga individuala dasasaceišona da 25. juļa.  Vairuok informacejis par festivalu, rokstūt iz e-postu jakimovavilhelmine@gmail.com, zvonūt 29495394 Vilhelmīnei Jakimovai ci 29969943 festivala reikuotuojai Annai Kārklei .

Print Friendly, PDF & Email

Nūtikšonu kalendars

Nov
30
Tre
vysu dīnu Izstuode “Trīs no “Osīšiem”” @ Latgolys Centraluo biblioteka
Izstuode “Trīs no “Osīšiem”” @ Latgolys Centraluo biblioteka
Nov 30 vysu dīnu
Leidz 30. novembram Latgolys Centraluos bibliotekys Daiļliteraturys sektorā apsaverama Guru saimis gleznu izstuode “Trīs no “Osīšiem”. Ekspozicejis autoris dažu godu laikā kruoja muokslys dorbus, nu kurūs daudzi jau ir sajāmuši atzineibu ari cytuos izstuodēs. Skateituojam[...]