Rokstu sagataveja: portals lakuga.lv

31. julī Dagdā Latgolys kulturys programys projektā byus “Latgalīšu hiphopa piecpušdīne”, kurā caur modernū deju i repu tiks styprynuota jaunīšu latgaliskuo identitate, viesteits Kruoslovys nūvoda pošvaļdeibys Dagdys sātyslopā.

Hiphopa piecpušdīnē planavuoti grafiti paraugdemonstriejumi Dagdys Kulturys centra pogolmā ar Kvāpu nu “Ausmeņa Records”, taipoš varēs dzierdēt ari repa ryndys hiphopa muokslineicys Ūgys izpiļdejumā. Pīsadaleis ari “STOP TIME Dance Studio” ar deju prīšknasumim.

Lai hiphopa piecpušdīne varātu sasnēgt piec īspiejis vaira jaunīšu, ir paradzāta ari video tīšraide Dagdys Kulturys centra “Facebook” lopā i iz LED ekrana Dagdys piļsātys centrā.

Ar taida pasuokuma paleidzeibu jaunīši varēs īpazeit hiphopa kulturu i tuos golvonūs elementus – repuošonu, dīdžejuošonu, breikuošonu i grafiti muokslu.

Hiphopa piecpušdīnis tīšraidi varēs apsavērt ITE.