Cik latgalisks pīduovuojums izgaršojams Sātys kafejneicu dīnuos Latgolā?

Cik latgalisks pīduovuojums izgaršojams Sātys kafejneicu dīnuos Latgolā?

Roksta autors: portals lakuga.lv

“Mājas kafejnīcu dienās” nu juļa da oktobra vysā Latvejā aicynoj apmaklātuojus izbaudeit vītejū kulinarū pīduovuojumu, īpazeistūt ari jūs tradicejis i kulturu. Itamuos dīnuos gostus gaida gon asūšī ādynuošonys uzjāmumi, gon saimisteibys i vītejī īdzeivuotuoji, kurī kasdīnā ar tū nanūsadorboj, bet itamuos dīnuos attaisa sātys, kab cīnuotu gostus ar sova nūvoda ci saimis eipašajim iedīnim, viesteits lauku turisma asociacejis “Lauku ceļotājs” sātyslopā.

Dīnvydlatgolā 23.–24. julī

Sātys kafejneicu dīnuos Dīnvydlatgolā 23.–24. julī gostūs gaida 14 kafejneicys nu Kruoslovys i Augšdaugovys nūvoda i Daugovpiļs piļsātys. Elektroniski izškūrstūt daīmamū pīduovuojuma informaceju latvīšu literarajā volūdā, atrūnami četri latgalīšu iedīņu nūsaukumi, ka par taidim pīzeistam ari vacticeibnīku montuojumu. Kruoslovys nūvoda (bejušais Aglyunys nūvods) Škeļtovys pogostā “Mežvīnu dārza atbalsis” pīduovuos svātku gordumu pyškys – mīļu meiklis izstruoduojumus ar vyssaidom pošu taiseitom zaptem i svaigi laseitim zuoļu čajim. Kruoslovys nūvoda Kaplovys pogostā, kas jau puori Daugovai, “Klajumu ķēķī” liks goldā guļbešnīkus. Tok Augšdaugovys nūvoda Vyšku pogosta Špoģūs, atpyutys bāzē “Virogana”, varēs nūbaudeit zupu ar leidaku kļockom i sienim, a Daugovys kreisajā krostā, Kalkūnūs, kuru apleicīnē izcalts pyrmais Baļtejā lyugšonu noms, sātys kafejneica “Kalkūni-Sīpolu kalni” pīduovuos vacticeibnīku draņnikus ar seipulim. Sovutīs Dagda Kruoslovys nūvodā vylynj ar kafejneicys latgalisku nūsaukumu “Dagda gaida gostūs”.

Sātys kafejneicu dīnu Dīnvydlatgolys baners. Karteņa: celotajs.lv

Vydslatgolā 13.–14. augustā

Ar saukli latgaliski “Vasali āduši Latgolā” Sātys kafejneicu dīnuos Vydslatgolā 13.–14. augustā gostūs gaida 7 kafejneicys nu Ludzys, Preiļu i Rēzeknis nūvodu, īvodtekstā latvīšu literarajā lītuots latgalīšu vuords “gosts”. Pats latgaliskuokais i vīneigais latgaliskais pīduovuojums ir Sātys kafejneicai “Jašys krostā” Raiņa memorialajā muzejā “Juosmuiža” Preiļu nūvoda Aizkaļnē, te iedīņkartei ir latgaliskuo daļa: sātys torts “Juosmuiža”, žagareni, svaigpīna sīrs ar čymynim, uobuļu zapte, soltūs mātru čajs ar Juosmuižys madu, rulets “Soldonais grāks” (nu myusu var puorkopēt pareizi pīraksteitus). Ar latgalisku nūsaukumu ir ari soldunumu pītura “Cīlovys” Rēzeknis nūvoda Nagļu pogosta. Tik viņ.

Sātys kafejneicu dīnu Vydslatgolys baners. Karteņa: celotajs.lv

Zīmeļlatgolā 28.–29. augustā

Informaceja par Sātys kafejneicu dīnom Zīmeļlatgolā, Bolvu nūvodā (Bolvi, Viļaka, Ruguoji, Baļtinova), 28.–29. augustā pagaidom vēļ nav daīmama, tok aiz laika var īplānuot itūs datumus Zīmeļlatgolys izgaršuošonai.

Vysu informaceju par Sātys kafejneicu dīnom i vajadzeigūs kontaktus meklejit ITE.

 Itys ir pasuokums, kurā sevkurs pīsadola piec sovys iniciativys i tū, kas juosaprūt ar vuordu “vītejais”, napaskaidroj organizatoru instrukcejis. I, piec pīduovuojuma redzīs, ka lagaliskais nav nimoz cik gords…

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]
10:00 Bruņojīs ar zynuošonom. Informat... @ Rēzekne, Kulturys i atpyutys parks
Bruņojīs ar zynuošonom. Informat... @ Rēzekne, Kulturys i atpyutys parks
Jun 15 @ 10:00 – 15:00
Bruņojīs ar zynuošonom. Informativuo dīna @ Rēzekne, Kulturys i atpyutys parks
Informativuo dīna dzeivuotuojim “Bruņojies ar zināšanām”.