Dasasoki spēlei “Hi!Story: Latgola” i izbaudi Latgolys vīsmīleibys dīnu

Dasasoki spēlei “Hi!Story: Latgola” i izbaudi Latgolys vīsmīleibys dīnu

Rokstu sagataveja: portals lakuga.lv

31. julī Daugovpiļs piļsātys pošvaļdeibys turisma atteisteibys i informacejis agentura i ekspoziceja “Šmakovkas muzejs” reikuos akceju “Gostūs Latgolā” – veļteitu Latgolys vīsmīleibai i tradicejom, kai ari ekspozicejis “Šmakovkas muzejs” pīcu godu jubilejai, informej ekspozicejis “Šmakovkas muzejs” vadeituojs Viktors Andruškevičs.

Daugovpiļs Šmakovkys muzejam itūgod palīk pīci godi i pa itū laiku muzejs ir palics par Daugovpiļs turisma magnetu, Latgolys kulturviesturis i kulinaruo montuojuma saglobuošonys centru ar vareibu vysim piļsātys īdzeivuotuojim i gostim izzynuot Latgolys tradicejis, pīredzi i viesturi. Atzeimejūt muzeja pīcgadi 31. julī tiks reikuota akceja – Latgolys vīsmīleibys dīna “Gostūs Latgolā”.

Karteņa: publicitatis materiali

Vysā dīnys garumā nu 12.00 leidz 22.00 stuņdem Daugovpiļs Vīneibys laukumā nūtiks vairuokys aktivitatis – ekspozicejis “Šmakovkas muzejs” prezentaceja, Latgolys muojražuotuoju tierdzeņš, kulinaruos meistarklasis nu Daugovpiļs nacionalūs biedreibu i c.

Taipat akcejis “Gostūs Latgolā” ītvorā nūtiks piļsātys orientiešonuos spēle “Hi!Story: Latgola”, kurys laikā byus īspieja izzynuot vairuok par izcylim cylvākim, kuri dzymuši Daugovpilī i Latgolā, izzynuot Latgolys tradicejis, kulinarū i kulturys montuojumu. Pīsadaleit spēlē var sevkurs – saimis, seniori, bārni, jaunīši. Atškireibā nu klasiskūs sporta veidu, piļsātys orientiešonuos var byut jautra i interesanta sevkurai kompanejai – daleibnīki poši izalosa aizdavumu skaitu, poši plānoj maršrutu, kurā var puorsavītuot ar sevkura veida transportu ci izīt maršrutu kuojom. Vairuok informacejis par “Hi!Story: Latgola” ir atrūnams ITE. Registrēt sovu komandu treis cylvāku sastuovā var da 28. juļa ITE.

Akcejis ītvorūs Vīneibys laukumā nūtiks Latvejis Antikūs automobiļu kluba (AAK) braucīņs – saliduojums “Daugavpils iedvesmo!” AAK bīdri dūsīs retro auto paradis braucīnī iz Daugovpili i reikuos padūmu laika spākrotu izstuodi Vīneibys laukumā i Daugovpiļs cītūksnī.

Print Friendly, PDF & Email

Nūtikšonu kalendars

Jan
26
Tre
vysu dīnu Nūvodpietnīceibys lasejumi prāve... @ Bolvu Nūvoda muzejs, tīšsaiste
Nūvodpietnīceibys lasejumi prāve... @ Bolvu Nūvoda muzejs, tīšsaiste
Jan 26 vysu dīnu
Nūvodpietnīceibys lasejumi prāvesta Alberta Budžis pīmiņai @ Bolvu Nūvoda muzejs, tīšsaiste
Gūdynojūt prāvesta Alberta Budžis (1930–1957–2017) atceri, Bolvu Centraluo biblioteka aicynoj pietnīkus pīsadaleit “Novadpētniecības lasījumos prāvesta Alberta Budžes piemiņai”. Tēmu lūks nav īrūbežuots, jis ītvar sevkuru pietnīku interesejūšu jūmu, kurys izpietis teritoreja ir Bolvu nūvods. Lasejumu[...]
Jan
28
Pīk
19:00 Gruomotys “Mīlas kastings” muzyk... @ Babeitis Kulturizgleiteibys centrs
Gruomotys “Mīlas kastings” muzyk... @ Babeitis Kulturizgleiteibys centrs
Jan 28 @ 19:00 – 21:00
Gruomotys "Mīlas kastings" muzykaluo prezentaceja @ Babeitis Kulturizgleiteibys centrs
28. janvarī 19.00 Babeitis Kulturizgleiteibys centra lelajā zalē, Piņkūs, nūtiks rakstneicys Ilzis Aizsilys gruomotys “Mīlas kastings” muzykaluo prezentaceja.   Par latgalisku nūskaņu pasaryupēs: rakstneica Ilze Aizsila i improvizators Viesturs Vizulis; muzykys grupa “Dabasu Durovys”; videjuos[...]