Multimuokslineicai Džeinai Gavarei jauns albums – “Caur sirdi”

Multimuokslineicai Džeinai Gavarei jauns albums – “Caur sirdi”

Rokstu sagataveja: portals lakuga.lv

Pasaceļšona puori, apsazynuošona, ka mīlesteiba gluobs pasauli i mīrs – taidys vierteibys soveigys muokslineicys Džeinys Gavaris jaunajam albumam “Caur sirdi”. Tymā ir 12 kompozicejis, albumā var dzierdēt treis volūdys – latgalīšu, latvīšu i krīvu.

Par albuma tapšonu Džeina soka tai: “Beja ideja nūslēgt koč kaidu radūšu pūsmu, kab varātu īt tuoļuok gon muzykā, gon gleznīceibā, deļtam paraleli topa ari glaznu izstuode “Montuojums”. Pamudynuojums guoja ari nu cylvāku, klauseituoju. Bet taišni tod, kod maņ ruodejuos, ka juojam pauze, atguoja taida kai zeime – zīmā, kod staiguoju pa mežu, cīši zamai puori munai golvai puorliduoja div guļbi. I tys munu goru it kai styprynuoja – nā, tev ir juonas leidz cylvākim itei ziņa, tu nadreiksti pasadūt! Divi… manī tys nūrezonēja tai, ka mes naasam vīni, myusim vysod sūpluok ir kaids, i tikai kūpā apsavīnojūt mes varēsim paveikt daudz vairuok, mes ceļam vins ūtru, mes asam svareigi vīns ūtram.”

Albuma viestnešus – div boltūs guļbus Džeina nūlēme izlikt iz albuma vuoka.

Karteņa: ekransuovīņs nu albuma prezentacejis video Džeinys “Facebook” lopā

“Vēļ muna īdvesme ir mīrs, kai i vysod īprīšk. Kod tu saleidz ar pasauli, kod tu sakuortoj sevi, saprūti sevi, tūlaik vari īt cīmā pi cylvāku,” stuosta muokslineica.

Pi Džeinys Gavaris albuma “Caur sirdi” var tikt Leivuonu Stykla muzejā i muzykys straumiešonys platformā “Spotify”.

Albums “Caur sirdi” ir Džeinys ūtrais albums, pyrmais albums “Cylvākam” izguoja 2015. godā. Jau rakstejom, ka ituo goda pavasarī vizualā stuostā tyka īmyužynuota albuma tituldzīsme “Caur sirdi”. Dzīsmineica, glaznuotuoja, dzejneica i školuotuoja Džeina Gavare ir nu Vuorkovys nūvoda. Vaira par Džeinu Gavari var izzynuot juos porfilā socialajā teiklā “Facebook” ITE.

Kalenders

Feb
15
Sai
all-day Izstuode “Divi fotogrāfi – dažād... @ Latgolys Kulturviesturis muzejs
Izstuode “Divi fotogrāfi – dažād... @ Latgolys Kulturviesturis muzejs
Feb 15 all-day
Rēzeknis fotografi Ivars Daugulis i Eduards Utāns apvīnuojuši vīnā izstuodē diveju žanru fotografejis. Ivars Daugulis bīžuok sova fotoaparata objektivu pavierš ainovys vierzīnī, giunūt šaļts i dobā, i piļsātys vidē. Sovpus Eduarda Utāna fokusā itūreiz sīvīšu[...]
all-day Latgolys Etnografiskuos viestnīc... @ Varakļuonu nūvoda muzejs
Latgolys Etnografiskuos viestnīc... @ Varakļuonu nūvoda muzejs
Feb 15 all-day
Kai stuosta “Latgolys etnografiskuos bīdreibys” vadeituoja Iveta Seimanova, tod bīdreibys jaunais projekts – vysaidu Latvejis vītu tautystārpūs apvylkti ļauds, kuri īmyužynuoti kūpā ar jau zynomajom projekta “Lobs ar lobu sasatyka” lelem Latgolys tautystārpūs – ir[...]